Tag: شارق کیفی

ایک کتے کی موت

بھونکنا چاہتا ہوں
اپنے اندر كے کتے پہ میں زور سے بھونکنا چاہتا ہوں
مگر یہ بھی ممکن نہیں
بھونک پانا تو دور
گلے سے مرے اب تو پانی اترنا بھی ممکن نہیں
اِس کو کہتے ہیں کتے کی موت
آبِ زم زم
گلوکوز کی بوتلوں سے چڑھاتے ہوئے
نرس بھی ہنس رہی ہے

Tags آزاد نظم, اردو آزاد نظم, اردو شاعری, جدید اردو شاعری, شارق کیفی

شاعری

کسی کے سمجھدار ہونے تلک

قبر کیا ڈھونڈنا
مٹ گئے ہوں گے اس کے نشاں
کہیں بھی جلا کر لگا دوں اگر بتیاں
مدتوں بعد بھی
ورد کرتے ہوئے سورۂ فاتحہ کا
وہی گونج کانوں میں ہے
ترا باپ کیا روز پیتا ہے؟
اف
وہ جو شرمندگی کا سبب ہو بھلا اس سے کیسی محبت
اور ویسے بھی
ایک بچے کی نفرت سے سچا کوئی اور جذبہ نہیں
دفن کے وقت بھی تو میں دل میں کہیں ان سے ناراض تھا
مگر آج خود جب میں اس عمر میں ہوں
جو پاپا کی شاید رہی ہو گی تب
جب میں روٹھا تھا ان سے
مرے دل میں احساس جرم اور شرمندگی کے سوا کچھ نہیں
آپ سن تو رہے ہیں نہ پاپا
معافی مجھے چاہیے
کیا یہ ممکن ہے؟
پھر خود سے کہتا ہوں شاید نہیں
وہ گئے
کوئی رکتا نہیں ہے کسی کے سمجھ دار ہونے تلک
سچ کی تہہ میں اترنے کے لائق گنہ گار ہونے تلک

Image: Davit Mirzoyan

Tags Davit Mirzoyan, Shariq Kaifi, urdu poetry, احساسِ جرم, اردو شاعری, باپ, جدید شاعری, شارق کیفی, شارق کیفی شاعری, ندامت

شاعری

انا کا کون سا چہرہ تھا وہ

Post author By شارق کیفی
Post date June 21, 2017
No Comments on انا کا کون سا چہرہ تھا وہ

انا کا کون سا چہرہ تھا وہ

انا کا کون سا چہرہ تھا وہ
میں یہ سمجھ پایا نہیں ہوں آج تک
خبر یہ آتی تھی
طبیعت رات سے بہتر ہے کچھ اس وقت ان کی
مجھے یہ بات سن کر تو خوشی سے جھوم اٹھنا چاہئیے تھا
مگر میں چپ کھڑا تھا
یہ شاید وہ نہیں تھا جو میں سننا چاہتا تھا
تو کیا اس خاص پل میں
میں ان کی موت کا خواہاں تھا؟
اور وہ بھی اس ذرا سی بات پر
کہ میں نے رات یوں ہی دوستوں کے بیچ میں یہ کہہ دیا تھا
مجھے آثار کچھ اچھے نہیں لگتے
سویرے تک بھی یہ زندہ اگر رہ جائیں تو جانو
کہا پورا نہ ہو نے کی مری
بے عزتی
کسی کی جان سے بڑھ کر بھی ہو سکتی ہے
مجھ کو یہ نہیں معلوم تھا

Tags Modern Urdu Poetry, Shariq Kaifi, urdu poetry, آزاد نظم, جدید نظم, شارق کیفی, شارق کیفی کی شاعری, نثری نظم

شاعری

قبرستان کے نل پر

بلا سبب بڑبڑا رہے ہو
جو پھنس گئے ہو
تو کم سے کم اب ثواب ہی ڈھنگ سے کما لو
کہا تو تھا میں نے
نل چلانے میں کوئی ساجھا نہیں کرے گا
مگر تم اپنی ترنگ میں تھے
ارے وہ حالات اور تھے جن میں ہر کوئی
ہر قدم پہ کاندھا بدل رہا تھا
بہ اب تو تدفین ہو چکی
بھیڑ مطمئن ہے
کہ آج بھر کا ثواب اس نے کما لیا ہے
تو کون آگے بڑھے گا بولو
سو کون کتنا برا ہے یہ بات بھول کر
صرف نل چلاؤ
چلائے جاؤ
کہ جب تلک بھیڑ میں ہر اک خاص و عام کے
پاؤں نہ دھل جائیں

Tags Modern Urdu Poetry, Shariq Kaifi, urdu poetry, آزاد نظم, اردو شاعری, جدید آزاد نظم, جدید اردو شاعری, شارق کیفی

شاعری

کھلونا موت بھی ہے

مرے جسم کے پینتروں سے پریشاں تھی وہ
میں نے سمجھانا چاہا اسے
خدا جانتا ہے
کہ رتی برابر مجھے اور جینے کی خواہش نہیں
سچ تو یہ ہے
ایسے مہمان سے منہ چھپانا
کہ جو صرف میرے لیے آسمانوں سے آیا ہو
شرمندہ کرتا ہے مجھ کو
بھلا ایک انساں کے بس میں کہاں موت کو چھیڑنا
میں تو ڈرتا ہوں تم سے
یہ کوئی اور ہے جو مرے سرد پیروں کو پھر گرم کر کے تمہیں چھیڑتا ہے
مرے گھر کے چکر لگانے پہ مجبور کرتا ہے
مگر وہ سسکتی رہی
اپنے پیروں کے چھالوں کو روتی رہی
اور میں حیرت زدہ
سوچنے پر یہ مجبور تھا
کیا مری موت بھی
میرے مرنے کے دن
میری سانسوں کی گنتی کے بارے میں اتنی ہی انجان ہے؟
جتنا میں

Tags Modern Urdu Poetry, Shariq Kaifi, urdu poetry, اردو شاعری, جدید اردو شاعری, شارق کیفی, موت

شاعری

کھرے عشق کا المیہ

بزدلی کی بھی حد ہے
کس لیے اور کیوں
ہم اچھل کود کرتے پھرتے پھریں منزلوں منزلوں
لاش سینے سے اپنے لگائے ہوئے
ان دنوں کی
کہ جب عشق آدھا ادھورا تھا اور راستے میں تھے ہم
محبت کا حد سے گزرنا ہی بے کیف کرتا ہے اس کو
کھرا عشق یوں بھی اداسی ہے
گہری اداسی
کسی بھی طرح کے جنوں
اور لفظوں سے خالی
ٹھیک بارش سے پہلے کی جیسے گھٹن
سانس لینا بھی مشکل ہو جس میں
بے وفائی کا پنکھا جھلو
مان لو
اس مسلسل اذیت سے
الزام سر لینے والا ہی اچھا
اٹھا لے جو خود بے وفائی کی تہمت
وہی ہم میں سچا

Tags Modern Urdu Poetry, poetry, Shariq Kaifi, اردو شاعری, اردو نظم, جدید اردو شاعری, شارق کیفی, نثری نظم

شاعری

بس بہت جی لیے

[vc_row full_width=”” parallax=”” parallax_image=””][vc_column width=”2/3″][vc_column_text]

بس بہت جی لیے

[/vc_column_text][vc_column_text]

میں بہت دور تھا
جب پکارا گیا
حاضری کے لئے
ڈاکٹر
ایک ٹھنڈا بدن
تیز بجلی کے جھٹکے
اب مگر
مجھ میں اس جسم کو گرم کرنے کی
کوئی بھی خواہش نہ تھی
زندگی کٹ گئی
ڈھونڈتے ڈھونڈتے وہ رجسٹر
کہ جس میں مرا نام موجود ہو
اور مری حاضری لگ سکے
پر کسی نے پکارا نہیں میرا نام
نہیں لوٹنا
اب مجھے اس زمیں پر نہیں لوٹنا
حاضری کے بغیر
اس زمیں سے مرا لوٹنا ہی یہ ثابت کرے گا
کہ میں اک فرشتہ تھا
اور اس جہاں میں غلط آ گیا تھا

[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags Shariq Kaifi, urdu poetry, اردو شاعری, جدید اردو ادب, جدید اردو شاعری, جدید اردو نظم, شارق کیفی, نثری نظم

شاعری

جسم کی توہین

[vc_row full_width=”” parallax=”” parallax_image=””][vc_column width=”2/3″][vc_column_text]

جسم کی توہین

[/vc_column_text][vc_column_text]

کوئی دوپٹہ پہیے میں آئے تو موت بھی بن سکتا ہے
حیا پرانی تھی اس کی
بس جرم نیا تھا
پاک محبت میں اس ساری
چالاکی کا مطلب کیا تھا
چھتوں چھتوں آنکھیں لڑنے تک ٹھیک تھا سب کچھ
لیکن سونے گھر میں ملنا
جسم کو آگے رکھ کر خود پیچھے چھپ جانا
پھر کہنا بس اب رک جاؤ
بس اب جاؤ
کیوں سنتا میں
بولو آخر کیوں رکتا میں
جسم کی وہ توہین مری توہین نہ تھی کیا؟

[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags جدید اردو نظم, شارق کیفی, نثری نظم

شاعری

ضبط کا خرچ

[vc_row full_width=”” parallax=”” parallax_image=””][vc_column width=”2/3″][vc_column_text]

ضبط کا خرچ

[/vc_column_text][vc_column_text]

ضبط کو سوچ کر خرچ کرتا ہوں میں
ہر کسی پر نہیں
ہر جگہ پر نہیں
اس لیے میری آنکھیں کبھی خشک ہوتی نہیں
ایسا لگتا ہے ہر بات پر
جیسے رونے کو تیار بیٹھا ہوں میں
دوستوں سے ہوئی بدزبانی پہ بھی
دکھ بھری دوسروں کی کہانی پہ بھی
یوں
کہ میں ضبط کو خرچ کرنا نہیں چاہتا
چھوٹی موٹی کسی بات پر
ہاں مگر
بڑے واقعے جب ہوئے
یہاں تک کہ میرے گھر سے جنازے اٹھے
تب کسی نے مری آنکھ میں ایک آنسو بھی دیکھا نہیں
کوئی یہ سوچتا ہے اگر
کہ اس نے مجھے اپنے غم میں رلا کر
بڑا معرکہ کوئی سر کر لیا ہے
تو پاگل ہے وہ

Image: Jimmy C
[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags Modern Urdu Poetry, Shariq Kaifi, urdu poetry, اردو شاعری, جدید اردو شاعری, شارق کیفی

شاعری

روتا ہوا بکرا

[vc_row full_width=”” parallax=”” parallax_image=””][vc_column width=”2/3″][vc_column_text]

روتا ہوا بکرا

[/vc_column_text][vc_column_text]

وہی بکرا
مرا مریل سا بکرا
جسے ببلو کے بکرے نے بہت مارا تھا وہ بکرا
وہ کل پھر خواب میں آیا تھا میرے
دھاڑیں مار کر روتا ہوا
اور نیند سے اٹھ کر ہمیشہ کی طرح رونے لگا میں
کہتا میری تھی
میں نے ہی لڑایا تھا اسے ببلو کے بکرے سے
اسے معلوم تھا پٹنا ہے اس کو
مگر پھر بھی وہ اس موٹے سے جا کر بھڑ گیا تھا
مری عزت کی خاطر
وہ بھی قربانی سے بس کچھ دیر پہلے
مگر پاپا تو کہتے ہیں وہ جنت میں بہت آرام سے ہو گا
وہاں انگور کھا کر خوب موٹا ہو گیا ہو گا
تو کیوں روتا ہے وہ خوابوں میں آکر
وہ کیوں روتا ہے آ کر خواب میں یہ تو نہیں معلوم مجھ کو
مجھے تو یہ پتا ہے
وہ جب جب خواب میں روتا ہوا آیا ہے میرے
تو اگلے روز ببلو کو بہت مارا ہے میں نے

Image: Ram Kumar
[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags Shariq Kaifi, آزاد نظم, اردو شاعری, جدید اردو شاعری, شارق کیفی, شارق کیفی شاعری, نثری نظم

شاعری

عبادت کا سچ

[vc_row full_width=”” parallax=”” parallax_image=””][vc_column width=”2/3″][vc_column_text]

عبادت کا سچ

[/vc_column_text][vc_column_text]

عبادت جان کر
بہت چکر لگائے اسپتالوں کے
بہت خدمت گزاری کی ہے بیماروں کی لیکن
جنوں اب بجھ رہا ہے
میں اب تھکنے لگا ہوں
تھکن اب اِس قدر حاوی ہے مجھ پر
کہ وہ اسٹول میرے خواب میں آنے لگا ہے
سہارا دے کے بٹھاتا ہوں میں جس پر
مریضوں کو برابر ڈاکٹر کے
یہ کام اب دوسروں پر چھوڑ دوں
وسیلہ بن کے خود
ثواب ان کو بھی تھوڑا لوٹنے دوں
جنہیں جنت میں میرے ساتھ ہونا چاہیے
سہارا دے کے مجھ کو لائیں گے جو اسپتالوں میں
میری جانب سے بولیں گے
میرا پرچہ لگائیں گے
تسلّی دے کے مجھ کو چین سے سگریٹ جلائیں گے
اور اگر قسمت ہوئی اچھی تو ممکن ہے
وہ نازک سانولی سی نرس
جس کو دیکھ کر میں اِس عبادت کی طرف راغب ہوا تھا
ان کے ہاتھ آ جائے شاید

[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags Modern Urdu Literature, Modern Urdu Poetry, Shariq Kaifi, Urdu literature, urdu poetry, آزاد نظم, اردو ادب, اردو شاعری, جدید اردو ادب, جدید اردو شاعری, شارق کیفی, نثری نظم

شاعری

بیماری کا شجرہ

[vc_row full_width=”” parallax=”” parallax_image=””][vc_column width=”2/3″][vc_column_text]

بیماری کا شجرہ

[/vc_column_text][vc_column_text]

ارے یہ کچھ نہیں بس وہم ہے میرا
یہ سب کچھ وہم ہے
لیکن
مرے اس ہاتھ کو کیا ہو گیا ہے
جو دیکھو پھر وہیں پہنچا
وہیں گردن کے پیچھے
ٹٹولو تو جہاں لگتا ہے کوئی گومڑا سا
میں آئینہ اٹھا کر دیکھنے لگتا ہوں پھر اس گومڑے کو
مگر یہ بھی تو ممکن ہے
یہ پچپن سے یہیں ہو
جسے پہلے کبھی میں نے نہیں دیکھا
اور اچھی بات تو یہ ہے
دبانے سے ذرا سا درد بھی اس میں نہیں ہوتا
وہ پاگل ڈاکٹر شاید بہت فرصت سے ہو گا
جو ہنس کر پوچھتا تھا مجھ سے بیماری کا شجرہ
مرے دادا کا پردادا کا اور اس سے بھی پیچھے کا
بھلا دادا کی بیماری سے کیا مطلب
مرے اس گومڑے کا

Image: Nathalie Kantaris Diaz
[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Tags آزاد نظم, اردو شاعری, جدید اردو شاعری, شارق کیفی, شارق کیفی کی شاعری, نثری نظم