بہت ممکن ہے
کہ صورِ اسرافیل میری، تمہاری
یا کسی مجبور کی آہ ہو
جو کائنات کو تباہ کر دے
اور عرشِ معلیٰ کو ہلا دے
اور وہ پھر سے ہواؤں میں معلق رہے
یا پانیوں پر تیرا کرے،
بہت ممکن کہ آندھی،
آندھی نہ ہو،
نہ یہ بارش میکائیل کے پروں سے جھرتی پھوار ہو،
یہ بھی ممکن ہے کہ
وحی یزداں کی خود کلامی ہو
جو ہمارے لیے ضابطہ ٹھہری،
اور ممکن ہے کہ یہ دنیا،
دنیا نہ ہو
بلکہ ہمارے اوہام کا وہ آئینہ ہو کہ جس میں
ہم اپنے ہی عکس دیکھ دیکھ کر
عکاس کی غیبت کرتے ہوں،
اور یہ انسان کسی گھٹیا و برتر خداؤں کے اوتار ہوں،
ممکن ہے اور بہت ممکن ہے۔۔۔
awam aur majboor e mehaz awam k jazbaat ki numainda nazm … jis mae makhlooq e khuda aah ko soor e israfeel kaha gya , wahe ko zabta e dunya bhe kaha aur khuda ki khud kalami aik mazboot tasur hae . aur akhri lines tu kamal hae k jis mae zameen par basny wali zalim quwatton ko hadaf e tanqeed banaya. haqeeqaton ko mumkinat sy jorti hoe aik umda nazm.