عشرہ // عشرے کا آٹو گراف

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

پہلی لائن ٹوٹی پھوٹی
دوسری سیدھی سادی ہے
تیسری ایک مثلث بننے جا رہی تھی
چوتھی بلکہ پانچویں بھی
آدھی نہیں (اور آدھی ہے)
چھٹی، بس اک چھوٹا سا نقطہ
ساتویں پورا دائرہ ہے
آٹھویں، نظم میں داخل ہونے کا دروازہ، یا کھڑکی ہے
آخری لائن پھر ڈاٹڈ .. ڈی کنسٹرکٹڈ کہہ لو
نادیدہ کے دستخط صاف نظر آتے ہیں