عشرہ //مجھے میری ماں نے آزاد جنا ہے

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

دبائی جا سکتی ہے میری آواز
مگر اسے بانجھ نہیں کیا جا سکتا
قید کیا جا سکتا ہے میرے لفظوں کو
مگر ان کی نسل کشی نہیں کی جا سکتی
منتشر کیے جا سکتے ہیں میرے خواب
مگر انہیں آنکھوں سے جلا وطن نہیں کیا جا سکتا
بجھایا جا سکتا ہے میری آنکھوں کا چراغ
مگر ان کی حیرانی کا قتل نہیں کیا جا سکتا
چھینا جا سکتا ہے مجھ سے میرا رزق
مگر مجھ سے میرا نظریہ نہیں خریدا جا سکتا