سرکاری ہسپتال اور دیگر عشرے

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

رقبے کے لحاظ سے دیکھو تو بہت بڑا ہے
داخلہ گیٹ کے ساتھ ہی چوکیدار کھڑا ہے
ایک ہی وارڈ میں بتیس بیڈ لگے ہوئے ہیں
ہر اک بیڈ پہ دو دو بندے پڑے ہوئے ہیں
ایک مریض کے ساتھ صرف اک ہی بندہ ہو
ڈاکٹر صاحب نو بجھے راؤنڈ پہ آئیں گے
صفائی کا خاص خیال رہے، وارڈ ذرا نہ گندہ ہو
چیک اپ کر کے ڈاکٹر مریض کے گھر والوں سے کہنے لگا
لو بھئی! رج کےخدمت کرلو، خوب سا رکھو اس کا خیال
یہاں سے بچ کر کیوں کوئی جائے، یہ ہے سرکاری اسپتال

کسی رات سوئے ہوئے، خواب میں جو دکھائی پڑے گی
ضروری نہیں، اگلی صبح وہ نظر آئے کسی تتلی کے روپ میں
یا پھر ویسے ہی، گُنگُناتی،مُسکراتی،بال سُکھاتی ہوئی دھوپ میں
ہاں اگر نظر آئے، اپنے کسی دوست کی دوست کی وال پر
تو لائیک ،کومنٹ اور میسج کے چکروں میں پڑنا نہیں ہے
کوشش کرنا کہ۔۔ بات ہو سکے، تمہاری اس سے۔۔۔ کال پر
اور فون پر کچھ بھی “لو یو، لائیک یو” وغیرہ کہنا نہیں ہے
یہ سب کہا جا سکتا ہے جب وہ، تم سے ملنے، ٹھہرکے آئے گی
جب وہ تم سے ملنے کے لئے بن سنور کے آئے گی
آنکھوں سے دل میں اور پھر فون کے پاس ورڈ تک اُتر جائے گی

کیا بم واقعی اتنے حساس ہوتے ہیں؟
کسی ناچنے والے کے پیروں کی دھمک سے؟
کسی کے پیروں میں بندھے گھنگروں کی چھنک سے؟
کسی لڑکی کو آئی لڑکے کی کال سے؟
کلاس میں چبھتے هوے سیدھے سادے سوال سے؟
کسی دھرنے میں اُٹھی مزدور کی آواز سے؟
کسی ریمورٹ پر لگے چھوٹے بٹن کو دبانے سے؟
یا کسی بھی ملک کو کھری کھری سنانے سے؟
کیا بم پھٹ سکتے ہیں؟ کسی کی بے وقوفی سے؟
کیا بم پھٹ سکتے ہیں؟ ہماری اپنی مرضی سے؟

ﺍﯾﮏ؟ ﺩﻭ؟ ﺕﯿﻥ؟ ﭼﺍﺭ؟
ﭼﺍﮨﮯ ﭘﮭﺭ ﮨﻭ ﺟﺘنی ﺑﺎﺭ
ﮐﻭئٹہ، ﭘﺷﺎﻭﺭ، سیہون ﯾﺍ ﮐﮩﯿﮟ اور ہو
ﯾﺍ ﺍﯾﮏ ﺍﻭﺭ ﺑﺎﺭ ﭘﮭﺭ میرے ﻻﮨﻭﺭ ہو
پہلے جیسے ﮨﯽ ﺳﺎﺭﮮ حملے ہیں
ﮨﺭ کسی ﮐﯽ ﺯﺑﺎﻥ ﭘﺭ ﭘﮭﺭ سے
ﻭﮨﯽ روایتی سے جملے ﮨﯿﮟ
مرنے ﻭﺍﻟﻮﮞ ﮐﮯ ﻭﺍﺭﺛﻮﮞ ﮐﮯ لیے
ﺍﯾﮏ ﺁﺩﮬﺍ خالی ﭼﯿﮏ بھر لیا ہو گا
حاکم شہر نے افسوس تو کر لیا ہو گا

باپ نے جاگیر بچوں میں بانٹی، ہر کسی کو اس کے حصے کی بھوک دے دی
چینل والوں کو اس سے کیا ،کوئی چھوٹی عمر میں محنت کرے یا نہ کرے
خواہشیں ٹول بیگ میں ڈال کر خاندان کا پیٹ بھرے یا نہ بھرے
نئے کپڑے۔۔؟ پہنتے تو اُن پر بھی انجن کی کالک ہی لگنی تھی۔۔ خیر
چائے پی کر سوچا۔۔بیس روپوں میں اک دن کی سبزی آجانی تھی ۔۔ خیر
کتابیں چھوڑ کر بسوں پر لکھے جملے پڑھنے سے ذیادہ سمجھداری آتی ہے
ٹائی کوٹ پہن کر تم نے ٹی وی پر ہلکا پھلکا ٹاک شو ہی چلانا ہے
پورے دن میں بس اک بار جلنے والا چولہا۔۔۔۔۔ یار کیوں بند کروانا ہے؟
آپ کی اس صالح دھمکی سے بھوکے پیاسے لوگ اب اور کتنا ڈر جائیں گے
ایک سمے کی روٹی سے ہاتھ دھوئیں گے تو کیا ہو گا؟ زیادہ سے زیادہ مر جائیں گے