تتلی اور للن کی شادی

پہلی رات
پھولوں کا سیج
سیج پر بیٹھی
سہمی لپٹی
دبلی پلی
ننھی تتلی
کم سن دلہن
گھونگھٹ کاڑھے
دولہا آیا
شیروانی میں سہرا باندھے
تتلی کے پہلو میں لیٹا
بھونرا جیسا
گھونگٹ کے اور سے دیکھا
تتلی شرمائی
للن نے منہ دیکھائی
میں انگوٹھی پہنائی
دلہن شرمائی
خاموشی صدیوں پر بھاری
دلہن کی آنکھوں میں کاجل
ہونٹوں پر لالی
للن بولا
آج سے تم آزاد ہو اتنی
جتنا کہ میں رہتا ہوں
میری طرح سگریٹ بھی پیو
جیز پہن کے ناچو گاؤ
گھومو کودو
دل چاہے تو رات کو تم بھی
دیر سے گھر آ سکتی ہو
دل نہ چاہے
ہانڈی چولہا بند بھی تم کر سکتی ہو
اتنا سننا تھاکہ
تتلی کی دونوں آنکھوں سے اشک کے قطرے
بہہ نکلے
کاجل کی اک سیاہ لکیر چہرے پر آئی
روتے روتے بندھ گئی ہچکی
للن گھبرایا
دروازے پر دستک کی آواز
اندر آئیں امی جانی
پریشانی اور حیرانی
کیا ہوا دلہن
کیاکیا للن
للن کو غصے سے دیکھا
دلہن کو گلے سے لگایا
پلو سے آنسو کو پوچھا
روتے روتے تتلی بولی
یہ مجھے بازاری عورت سمجھ رہے ہیں