ملک ہمایوں: ہلکی پھلکی، جھوٹی موٹی تقریروں سے
ڈیسپیریٹ کو موٹی ویٹ بنادیں گے

طاہر مجتبیٰ: سدا کے بھوکے کروڑوں مجروح انسان
ہمیشہ سے اس دن کے انتظار میں ہیں
ہر شکم سیر اور کھاتے پیتے کو جب قید کریں گے
اور وہ مدت، تین ماہ تک محدود نہ ہو گی

جنید الدین: دنیا دلچسپ لوگوں سے خائف کیوں ہے
میں پابلو نرودا نہیں ہوں
مشعال، البرٹو روجاز نہیں تھا

صدیق شاہد: وہ تم تھے جو جپسی کے تھیلے میں بیٹھے
قبیلوں کی قسمت پہ مہریں لگاتے
حسینوں کو ان کے پیا سے ملانے کی سازش رچاتے
دعاوں کے سرکل میں نوے کا اینگل بناتے
دھڑا دھڑ گنے جا رہے تھے کھنکتے ہوئے چاندی کے سکے !!!

ادریس بابر: کچھ کہے یا نہ کہے، کچھ کرے یا نہ کرے
جو تمہیں نہیں پسند، کل کیا آج ہی مرے!
تم سے جتنا ہو سکے، زندگی کو مار دو — ہر کسی کو مار دو

طاہر مجتبیٰ: کامیڈی کے کسی پنچ پر، بلاگ کی کسی سطر پر
سوچ کے چند دھاروں پر، خیالوں اور سوالوں پر
کسے کے عشق و عقیدت کی وحشت کی تسکین کی خاطر، میں مارا جاؤں گا

ادریس بابر: میں نے لکھا کہ تحقیق، بر حق ہے جو میں نے لکھا
اور منسوخ ہیں اگلے پچھلے

ہمراز سروانی: یہ مذہب نام کی افیم ہمیں کب تک سنگھاو گے؟

جنید الدین: کیوں اس نے وہ فلمیں دیکھیں
جن میں اس کی دلچسپی اداکاروں کے تاثرات دیکھنے کی بجائے
سب ٹائٹلز دیکھنے کی طرف رہی

رحمان راجہ: ﮨﺭ کسی ﮐﯽ ﺯﺑﺎﻥ ﭘﺭ ﭘﮭﺭ سے
ﻭﮨﯽ روایتی سے جملے ﮨﯿﮟ
مرنے ﻭﺍﻟﻮﮞ ﮐﮯ ﻭﺍﺭﺛﻮﮞ ﮐﮯ لیے
ﺍﯾﮏ ﺁﺩﮬﺍ خالی ﭼﯿﮏ بھر لیا ہو گا
حاکم شہر نے افسوس تو کر لیا ہو گا

ادریس بابر:
میں جو تیری عورت آنکھوں کا پہلا خواب تھا
کیوں نہیں پورا ہوا، پوری طرح؟
میرے سوال میں میرا جواب تھا

حماد نیازی: کوئی واج لگاتا جائے
ایک ہی گیت سناتا جائے
اکڑ بکڑ بھمبا بھو۔۔۔
اسی نوے پورا سو

حماد نیازی: ایک منظر جو کسی بھی آنکھ نے دیکھا نہ ہو
ایک دریا جس کے اندر کوئی بھی ڈوبا نہ ہو
ایک لمحہ جو رواں ہو اور کبھی گزرا نہ ہو
ایک دن جس دن سے پہلے رات کا سایہ نہ ہو

ادریس بابر: آخری لائن پھر ڈاٹڈ .. ڈی کنسٹرکٹڈ کہہ لو
نادیدہ کے دستخط صاف نظر آتے ہیں

حماد نیازی: دبائی جا سکتی ہے میری آواز
مگر اسے بانجھ نہیں کیا جا سکتا