ہمیں کس نگر میں تلاشو گے
کن راستوں کی مسافت میں ڈھونڈو گے
کس رزم میں ہم کو جیتو گے، ہارو گے
کس بزم میں نام لے کر ہمارا پکارو گے
تاریخ کے کس ورق میں پڑھو گے
زمینوں زمانوں، مکینوں مکانوں کی حد سے پرے
کتنا آگے بڑھو گے
ہمیں کب، کہاں مِل سکو گے؟
نصیر احمد ناصر پاکستانی اردو شاعری کا نمایاں اور رحجان ساز نام ہے۔ آپ کی شاعری دنیا کی مختلف زبانوں میں ترجمہ وہ چکی ہے۔ آپ 'تسطیر' کے نام سے ایک ادبی جریدہ بھی نکالتے رہے ہیں۔
