Laaltain

ہمارے لیے لکھیں۔

تم نے جس مٹی سے قلعہ بنایا ہے

test-ghori

test-ghori

03 جنوری, 2017
تم نے جس مٹی سے قلعہ بنایا ہے
تم نے جس مٹی سے قلعہ بنایا ہے
وہ آدمی کی تھی
آدھی گُندھی تھی
آدھی ابھی باقی تھی
کہ تم نے وہ مٹی چُرا لی
اور قلعہ بنا دیا
فتح کا پرچم بھی لہرا دیا
آدمی بے چارہ
بنتے بنتے رہ گیا
اب مٹھی بھر مٹی بس اتنی سی باقی ہے
یا قلعے کا بُرج بن جائے
یا آدمی کا دل بن جائے

Image: Mitchell Grafton