اتوار 2 اکتوبر کی شام لبرٹی گول چکر لاہور پر لاہور کے شہریوں نے ہندوستان اور پاکستان میں بسنے والے ڈیڑھ ارب لوگوں کو امن کا پیغام دیا۔ مظاہرے کے شرکاء نے دونوں ملکوں پر اپنے مسائل پر امن طریقے سے حل کرنے پر زور دیا۔ امن کا یہ پیغام سرحد کے دونوں جانب بسنے والے لوگوں کے لیے ہے۔ یہ پیغام ان لوگوں کی آواز ہے جو جنگ کو مسائل کا حل نہیں سمجھتے بلکہ مذاکرات کے ذریعے مسائل کو حل کرنے کے خواہش مند ہیں۔ مظاہرے میں شریک افراد نے جنگ کو بڑھاوا دینے کے رحجان کی مذمت کی اور اسے امن عالم کے لیے خطرہ قرار دیا۔ شرکاء نے اس موقع پر ‘آغازِ دوستی‘ کے لیے ویڈیو پیغامات بھی ریکارڈ کرائے۔
تصاویر اور رپورٹ: رضا خان
