خواہش کی ٹافی

اب تم نے ریپر کھول ہی لیا ہے تو سنو
اس ٹافی کو چوس کر یا چبا کر ختم کرو
اس کے اندر ایک ببل ہے
چباو، چباو، چباتے جاؤ
اور جبڑے تھکتے ہی جادو ہو گا
ببل بن جائے گا ٹافی
اب تم اس ٹافی کو چوسو یا چباؤ
بہتر یہ ہے کہ چوسو، چوستے جاؤ
اس کے اندر سے نکلے گا
ایک اور ببل
اور وہ جبڑوں کے تھکتے ہی
بن جائے گا ٹافی
جادو ہے
خواہش کی ٹافی
ایک مسلسل جادو
اب چوسو یا چباؤ
مرضی تمہاری ہے
موجود سے بیزاری ہی
اصل بیماری ہے