کُمہار
اپنے چاک پر
خُوب صورت گُل دان
مٹی کے پیالے
منقش صراحیاں
اور بہت سے برتن بناتا ہے
لوگ
انھیں استعمال کرنے کا سلیقہ بُھول چکے ہیں
گلیوں میں
ٹُوٹے ہوئے برتن
کُمہار کو
اپنے وجود کے ٹُکڑے لگتے ہیں
وہ
مٹی سے ایک چُھری بناتا ہے
لوگ اُسے
خود پر حملہ آور ہوتے ہوئے دیکھتے ہیں
اور مسخرہ سمجھ کر
اس کی جانب سکے پھینکتے ہیں
وہ گیلی آنکھوں سے
مٹی کی چُھری کو دیکھتا ہے
پھر اعتماد سے
اپنے گلے پر چلا دیتا ہے
لوگ حیرت سے
کُمہار کو مٹی میں تبدیل ہوتے ہوئے دیکھتے ہیں
۔
(سندھی سے تخلیق و ترجمہ)
