[blockquote style=”3″]
عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر
[/blockquote]
مزید عشرے پڑھنے کے لیے کلک کیجیے۔
ہمیں زبانی یاد رہتا ہے شجرۂ نسب
اپنے محبوب، اور نا محبوب سیاستدانوں کا
مکمل ٹریک ریکارڈ ہو گا ہمارے پاس
فرسٹ سیکنڈ تھرڈ کلاس، ہر کرکٹر کا
ہمیں کیا پتا، کس رنگ کے پھول پسند تھے اُسے
یا، کونسی مُرکی اُس کے کانوں میں آویزاں تھی
آخری بار، اپنی کار میں بنی گالہ سے نکلتے ہُوے
ہم نے کبھی اُس کا ساتھ دینے کی غلطی نہیں کی
ہم نے تو کبھی اُس کو گالی تک نہیں دی
عاصمہ جہانگیر کے بارے میں ہم کیا جانتے ہیں