ہمارے ہاتھوں کا کوئی معاوضہ نہیں

ہمارے ہاتھ ایک بار پھر گھاس کاٹنے پر لگا دئیے گئے
ہمارے ہاتھوں کا کوئی معاوضہ نہیں
ہمیں پھر جوتا جائے گا مال بردار گدھوں کے ساتھ
ہمارا خون چوسنے کے لئے
ہر ملک سے جونکیں جمع کی جا رہی ہیں
آبادی میں کمی ہو یا زیادتی
بھوک کو ٹھیکہ دیا جا چکا ہے
بد گوئی کی نیت ان کی جیبوں میں بھری جا چکی ہے
فریب کی کوئی شکل نہیں ہے
سوائے وہاں ،جہاں ان کے نرخرے
اپنی آوازوں سے ہمیں بہلاتے ہیں
اور ہم سے کہتے ہیں تیار ہو جاؤ
قیامت قریب ہے
تم یہ نہیں پوچھنا وہ کون ہیں
یہ تو ہم بھی نہیں جانتے
شاید یہ ہماری کنڈلی بنانے کے لئے
اپنے اپنے فٹ پاتھوں پر بیٹھے ہیں
اور ایک دوسرے سے سبقت لے جانا چاھتے ہیں