Laaltain

بچہ اور بالغ

20 اکتوبر، 2016

[vc_row full_width=”” par­al­lax=”” parallax_image=“”][vc_column width=“2/3”][vc_column_text]

بچہ اور بالغ

[/vc_column_text][vc_column_text]

ممکن ہے
ڈھلتے دن کی دھوپ میں
تم اسے ایک خالی میدان میں ملو
اور حیرت بھری امید سے
اس کے پاس اکڑوں بیٹھ کر
پھٹی جلد والا ہاتھ پھیلا دو
اور وہ اپنے بنٹے چھپا لے

 

ممکن ہے
گہری ہوتی شام میں
سِکوں سے بھری جیب میں ہاتھ ڈالے
اپنی قدیم شناسا گلی میں مڑتے
تم ایک اجنبی پتھر سے ٹھوکر کھاؤ
اور وہیں بیٹھ کر
پھوٹ پھوٹ کر رو دو

 

ممکن ہے
تم صبح کے الارم پر جاگو
تو الارم پر چھوٹا سا
پلاسٹک کا خرگوش بیٹھا ہو
اور وہ
تمہارے موٹے بوٹ پہن کر
تمہاری کدال اٹھائے جا چکا ہو

Image: Vic­to­ria Vil­lasana and Zabou
[/vc_column_text][/vc_column][vc_column width=“1/3”][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *