مزارعے

اس بارتمہارے حصے میں آنے والی
گندم کی بوریوں کی بھرپائی بہت مشکل ہے
شایداس باروہ ٹھنڈی میٹھی گندم
اُس فراوانی کیساتھ نہ کھا سکو تم !

تمہاری زمینوں کی شادابی کے لیے
ہماری خودکی زمینیں بانجھ ہو چکی ہیں
ان میں اب کوئی بھی بیج پودا نہی بن پاتا!

جوکونپلیں پوٹھی تھیں کبھی
وہ اس بارجون کی دھوپ میں کملا گئی ہیں
کیونکہ ہماری عورتوں کادودھ سوکھ چکاہے !

تمہاری فصلوں کی سلامتی کے لئے
ہم نے اپنے سوکھے ہوئے پتلے
تمہاری زمینوں میں ٹانک رکھے ہیں
پرندوں نے ہمارے تن پہ ایک بوٹی بھی نہیں چھوڑی !

پھر بھی اس بارتمہارے حصےمیں آنے والی
گندم کی بوریوں کی بھرپائی بہت مشکل ہے !