Tag: Human Rights

Categories
اداریہ

انسانی حقوق کا عالمی دن— جدوجہد جاری رہے گی ۔ اداریہ

ایک ایسے وقت میں جب پاکستان میں انسانی حقوق کے کارکن ریاستی اور غیر ریاستی عناصر کے ہاتھوں رضا محمود خان یا سبین محمود کی طرح لاپتہ ہونے،یا مار دیئے جانے کے شدید خطرے سے دوچار ہیں، آج دنیا بھر میں انسانی حقوق کا عالمی دن منایا جا رہا ہے۔ گزشتہ چند برس کے دوران پاکستان سمیت دنیا بھر میں بنیادی آزادیاں محدود ہوئی ہیں، پاکستان سمیت بیشتر ممالک میں دہشت گردی کو جواز بنا کر انسانی حقوق کو حاصل آئینی تحفظ کا نظام کمزور ہوا ہے اور جمہوری عمل تنگ نظر اور بنیاد پرست مذہبی و قومی جماعتوں کے دباؤ کاشکار ہوا ہے۔ عالمی سطح پر جاری اسلامی دہشت گردی، علاقائی تنازعات ، اور قوم پرست، نسل پرست اور مذہبی سیاسی قوتوں کے فروغ نے انسانی حقوق اور آزادیوں کے لئے جاری کوششوں کو نقصان پہنچایا ہے۔ بالخصوص پاکستان میں ریاستی اداروں اور غیر ریاستی مذہبی عناصر اتنے طاقتور ہیں ان کی جانب سے انسانی حقوق کی خلاف ورزیوں کی اطلاعات سامنے لانے اور سزا دینے کا نظام مفلوج اور غیر موثر ثابت ہوتاہے ۔ عدلیہ اور منتخب نمائندوں کی جانب سے لاپتہ افراد کے معاملے میں لاچارگی قابل افسوس اور تشویش ناک ہے۔ حال ہی میں لاہور سےلاپتہ ہونے والے انسانی حقوق کے کارکن رضا محمود خان کا معاملہ اس بات کا ثبوت ہے پاکستان میں انسانی حقوق کے لئے آواز اٹھانے والے محفوظ نہیں۔ شدت پسند سیاسی مذہبی گروہ تحریک لبیک یا رسول اللہ کے حالیہ دھرنے پر گفتگو کے بعد ان کی گمشدگی ایک خطرناک اتفاق ہے، ویسا ہی خطرناک جیسا اس سے قبل جبری طور پر لاپتہ کیے گئے بلاگرز کا عسکری اداروں پر طنز اور تنقید کرنے کی جرات کرنا تھا۔

عسکری ادارے اور شدت پسند غیر ریاستی عناصر خوف زدہ کرنے اور خاموش کرانے کی حکمت عملی پر اپنے اپنے طور پر عمل پیرا ہیں اور سیاسی جماعتوں اور جمہوری قوتوں کو بری طرح پسپا کر دیا گیا ہے۔ پاکستان میں انسانی حقوق کی خلاف ورزی کے واقعات متواتر اور سنگین ہیں اور ان میں عسکری ادارے اور غیر ریاستی عناصر کے ملوث ہونے کے آثار محض تاثر یا اتفاق نہیں۔ اس گمان کو اس امر سے تقویت ملتی ہے کہ ایک جانب ریاستی اداروں کے دباؤ پر ایسی قانون سازی کی گئی ہے جوان اداروں کے انسانی حقوق سے متصادم اقدامات کو قانونی تحفظ فراہم کرتی ہے، تو دوسری جانب مذہبی بنیاد پرست گروہ اور ریاستی ادارے انسانی حقوق کی خلاف ورزیوں پر سزا سے عملاً مستثنیٰ ہیں۔

یہ پاکستان میں یقیناً جبر کے ایک اور تاریک اور مایوس کن دور کا آغاز ہے، جب ایک جانب جمہوری عمل کمزور ہے، منتخب سیاسی جماعتیں انسانی حقوق کی خلاف ورزیوں اور شدت پسندی کے متشدد مظاہر پر خاموش ہیں اور انسانی حقوق کی خلاف ورزیوں پر مواخذہ نہ ہونے کے برابر ہے۔ ایسے میں انسانی حقوق کے کارکنان کی ذمہ داریاں مزید بڑھ جاتی ہیں۔ یہ وقت انسانی حقوق کے لئے پرامن اور مسلسل جدوجہد جاری رکھنے کا ہے، یہ وقت دنیا بھر میں انسانی حقوق کی ہمہ قسم خلاف ورزیاں خواہ وہ کسی بھی رنگ، نسل، صنف یا قومیت کے افراد کے خلاف ہوں کے خلاف ہوں پر آواز اٹھانے کا ہے، یہ وقت انسانی حقوق کے عالمی منشور کے تحت سب افراد کا بلا تفریق مساوی حیثیت دلانے کے لئے کوشش کرنے کا ہے۔

عالمی سطح پر #MeToo جیسی تحریک کی کامیابی یہ بتاتی ہے کہ جلد یا بدیرمذہبی شدت پسندی، نسل پرستی اور قومیت پرستی کے خلاف مقامی اور عالمی جدوجہد ایک بہتر مستبل تعمیر کرے گی۔ ہماری تاریخ فوجی آمریت، معاشی استحصال اور مذہبی شدت پسندی کے خلاف جدوجہد کی تاریخ ہے اور عسکریت پسند مذہبی بنیاد پرستی، ریاستی اداروں کے ماورائے آئین اقدامات اور کمزور جمہوری نظام کے باوجود پاکستان میں انسانی حقوق کی جدوجہد جاری رہے گی۔

Categories
نقطۂ نظر

What a Wonderful World!

Before turning Muslim at the airport of Heathrow, I had left behind Ahmadiat at Allama Iqbal International Airport. From one airport to another, I was two people both perceptually so radicalized in their subjective makeup without my harnessing, and at once polar to each other, it made me split in half. I have a person attached to me, but the crack isn’t filling. There are times when that person is me, but other times, in fact most of the times, it is just the crack that is me.

Orwell defines freedom as the ability to say two plus two makes four. If that much, he says, is granted, things should follow.

George Orwell defines freedom as the ability to say two plus two makes four. If that much, he says, is granted, things should follow. I counted my two halves as one, but the crack makes quantifying my existence as a whole impossible. Then the cold month of December walks in: Syrians are refused life because they are Muslims. Ahmadis are refused life because they are ‘Kafirs’.

Recently, a Sunni Muslim geologist living in our neighborhood had a grandson, whom the family gave an English name. They wanted to protect the child from all the hate Muslims are being exposed to in North America. It is a discursive tactic, and wouldn’t protect the child at all. It will only shield his parents from the fear that they didn’t do enough. That is the thought behind all the mobility that has taken place around the world in the last many decades on the heels of neo-liberalism, imperialism and radicalism spreading roots: people sink in seas than die at the hands of guns thinking they will protect their children. That they tried is emblematic of the evolutionary instinct that we must protect our children.

When Shias of Pakistan try to claim the word “genocide” in attention to their own plight, they are subjected to the issue of quantitative accuracy of the word in relation to how it has been used historically.

Arundhati Roy, in her latest article on her visit with Snowden, wonders if the invasion of Iraq could be called a genocide after the exponential damage to human life, not to mention the collapse of the land we once knew belonged to people who contributed tremendously to the scientific world, as it stands today. I shook my head at the notion. When Shias of Pakistan try to claim the word “genocide” in attention to their own plight, they are subjected to the issue of quantitative accuracy of the word in relation to how it has been used historically. They are denied the usage, because the number of Shias killed is apparently ‘not enough’. We are making sure that the children fallen in the soil of Pakistan meet the exacting numbers for it to be called genocide.

Speaking further of numbers, there were 40 Ahmadi families who hid in the gritty nalas (read: gutters) of Jhelum at 3 am to escape the men Pakistani newspapers labelled as arsonists. That too is a matter of concern. Those who kill minorities in Pakistan are arsonists: people with maligned interests, but no exacting purpose. At such intersections, one begins to wonder about language, and the limits it imposes on us to pitch our agency. While we engage to find common denominators amongst all that we must consider in order to make a logical claim, just so that we are able to count and make sure that two plus two is indeed four in Orwellian fashion, boats sink, trees fall, children halt breathing.

Earlier this year while Pakistanis were celebrating or denouncing the news (depending on who you were) of legalization of gay marriage in America, another important and local news lost the fortune of making as many headlines as it deserved. A gay couple was arrested in Jaffarabad district of Baluchistan after reports of their marriage spread. You heard it- a marriage between same-sex partners in accordance with Islamic tradition.

I consider my own crack as a continuation of the wounds we collectively endure as our human rights activists are murdered in broad daylight from Pakistan to Turkey.

According to an article on tribune, “a medical report suggested the couple had sex”. It is intriguing to note that it is unclear whether the “carnal act” of which they are accused of, and arrested thereafter, even happened. Nevertheless, it resulted in the invocation of the section 377/34 of Pakistani Penal Code- which it was said is the first time ever that the archaic, colonial law has been put into effect. A third man, who read their Nikkah, was also arrested. In Pakistan, a marriage between same-sex partners is as common as the sighting of humans on Mars. As a result, it created the deepening of a fear for the community of sexual minorities: further exclusion and stigmatization. So when the news from the USA surfaced, it brought home some reassurance- that somewhere in the world, the struggle to gain equality in the legal sphere has met with success. Well, until Hamza Ali Abbasi stole the peace. But despite severe criticism from different quarters of society, as the hashtag of universal love went viral, the resilient gays in Pakistan were saying, “it is normal to feel carnal love for people from same-sex”.

Despite severe criticism from different quarters of society, as the hashtag of universal love went viral, the resilient gays in Pakistan were saying, “it is normal to feel carnal love for people from same-sex”.

I wrote this note in reflection of the recent tributaries of violence that have erupted from Turkey to Syria to the US, generating news on my feed, as if all there is to this life is a subjective fluidity, I consider my own crack as a continuation of the wounds we collectively endure as our human rights activists are murdered in broad daylight from Pakistan to Turkey. I am not a narcissist and by no means do I hurt more than others, but when I become cognizant of my crack, I remember Rashid Rehman– Junaid Hafeez’s first lawyer- who took his case amidst death threats, and died defending not a man accused of blasphemy, but the idea that nurtures that all human life is precious. So, I think to myself: What A WONDERFUL WORLD!

Categories
نقطۂ نظر

صنفی تشدد اور استحصال کے خلاف آواز کیوں اٹھائیں؟

جنسی و صنفی تشدد اور استحصال کے خلاف 16 روزہ جدوجہد ایک عالمی تحریک ہے جو ہر سال، 25 نومبر تا 10 دسمبر چلائی جاتی ہے۔ اس تحریک کا آغاز سنہ 1991 میں ہوا تھا۔ یہ تحریک عالمی یومِ انسدادِ جنسی تشدد سے شروع ہوتی ہے اور عالمی یومِ انسانی حقوق تک چلتی ہے۔ اس تحریک کا مقصد عورتوں پر ہونے والے مظالم اور جرائم کے بارے میں آواز بلند کرنا، خواتین کو حقیقی صورت میں ان کے حقوق دلوانا اور قدیم، قبیح، رذیل و ذلیل پدرسری روایات کا تدارک ہے۔(ویسے کیا ہی بہتر ہوتا کہ یہ کالم بھی کوئی خاتون ہی لکھتی لیکن شاید ایڈیٹر کا ارادہ بھی مجھے میری برادری کا قبیح چہرہ دکھانا تھا)۔ مذاق سے سوا بہر طور حقوق نسواں کے لیے کوشش انسانی حقوق کے لیے جدوجہد کا لازمی جز ہے اور خواتین کے خلاف امتیازی سلوک، جنسی تشدد اور استحصال کا خاتمہ مردوں کی بھی اسی قدر ذمہ داری ہے جس قدر خواتین کی۔

 

حقوق نسواں کے لیے کوشش انسانی حقوق کے لیے جدوجہد کا لازمی جز ہے اور خواتین کے خلاف امتیازی سلوک، جنسی تشدد اور استحصال کا خاتمہ مردوں کی بھی اسی قدر ذمہ داری ہے جس قدر خواتین کی۔
بہت سے مرد شاید فوراً اس حقیقت کو جھٹلا دیں گے کہ عورت مظلوم ہے! کیونکہ جب بھی عورتوں پر مظالم کی بات ہوتی ہے تو انگلی ہمیشہ مردوں کی جانب ہی اٹھتی ہے۔ کئی مرد فوراً کہہ دیتے ہیں کہ ہم نے کبھی کسی عورت کا استحصال کیا ہی نہیں ہے تو پھر تمام مردوں کو موردِ الزام کیوں ٹھہرایا جا رہا ہے لیکن جب میں عالمی ادارہِ صحت کی مرتب کردہ عورتوں پر ہونے والے مظالم کی فہرست دیکھتا ہوں تو سمجھ جاتا ہوں کہ عورت کا استحصال قبل از ولادت شروع ہوتا ہے اور بعد از مرگ جاری رہتا ہے! یہ سمجھنا بے حد ضروری ہے کہ جس دنیا میں ہم رہ رہے ہیں وہاں بہت سے خطوں کے باشندے بنیادی انسانی حقوق سے محروم ہیں، لیکن یہ تسلیم کرنا بھی ضروری ہے کہ ہر معاشرے میں سیاسی طاقت، معیشت اور فیصلہ سازی کے عمل میں خواتین کو شامل نہ کیے جانے کی وجہ سے خواتین کی ایک بڑی تعداد بنیادی حقوق سے محروم ہے۔ حقوق نسواں کی جدوجہد مردوں کے خلاف نہیں بلکہ ان پدرسری اقدار، قوانین، رسوم و رواج اور افراد کے خلاف ہے جو ان جرائم کا ارتکاب کرتے ہیں یا انہیں تحفظ دیتے ہیں۔
اور اگر اب بھی آپ کو لگتا ہے کہ “مرد مظلوم ہے” یا یہ کہ “عورت اتنی بھی مظلوم نہیں” تو اسی فہرست کی مناسبت سے مثالیں پیش کیے دیتا ہوں۔

 

کبھی سنا ہے کہ الٹراسائونڈ رپورٹ میں لڑکا پتہ چلے اور باپ اس بچے کو تلف کرنے پر زور دے؟ نہیں! غریب سے غریب ترین شخص بھی بیٹے کی پیدائش پر رقصاں ہوتا ہے لیکن دنیا کے کئی علاقوں میں آج بھی بچے کی جنس پتہ چلنے پر بہت سی بچیوں کو رحم مادر میں قتل کردیا جاتا ہے، کیوں؟ کیونکہ یہ خرچہ کروائے گی، اس کا جہیز کون بنائے گا! اور جس آدمی کے پاس بیوی کا الٹراساونڈ کروانے کے پیسے نہ ہوں وہ بعد از ولادت اپنی بیٹی کو موت کے گھاٹ اتار دیتا ہے۔ وجہ وہی یہ کھائے گی، پیئے گی، لیکن کمائے گی نہیں!

 

عورت کا بچپن امتیازی سلوک سے داغدار ہوتا ہے! بیٹے کو دو انڈے تو کھلادیئے جاتے ہیں لیکن بیٹٰی کو انڈے کی سفیدی پر ہی اکتفا کرنے کی تلقین کی جاتی ہے، اس سے کہا جاتا ہے کہ زردی بھی بھائی کو کھانے دو! اس کو توانائی کی ضرورت ہے! اس نے بڑے ہو کر باپ کا بانہہ بیلی بننا ہے، لیکن اس بات کو صرفِ نظر کردیا جاتا ہے کہ بیٹی کو بھی بڑے ہو کر ماں بننا ہے، اس کے جسم کو بھی غذائیت کی ضرورت ہے۔

 

ہر وہ بینک جو قرضے بانٹ رہا ہوتا ہے وہ ہمیشہ والدین کو تاکید کرتا ہے کہ بیٹے کی تعلیم کے لیے قرضہ لے لو اور بیٹی کے جہیز کے لیے، ہم عموماً بیٹوں کو نجی جامعات سے تعلیم دلواتے ہیں اور بیٹیوں کو؟ سرکاری جامعات سے! وجہ لڑکیوں نے کیا کرنا ہے تعلیم حاصل کر کہ؟ ہم من حیث القوم بلکہ من حیث الخطہ عورتوں کی تعلیم کے دشمن ہیں۔ ہمارے ہاں عورت کی تعلیم کا جواز بھی خاندان کے لیے عورت کی تعلیم کی ضرورت کے ساتھ مشروط ہے یعنی ہم تعلیم کو عورت کا بطور انسان حق تسلیم کرنے کو تیار نہیں بلکہ ہم اسے محض اس لیے تعلیم دلاتے ہیں کہ اس کی “سماجی افادیت” کتنی ہے۔

 

دنیا کے کئی علاقوں میں آج بھی بچے کی جنس پتہ چلنے پر بہت سی بچیوں کو رحم مادر میں قتل کردیا جاتا ہے، کیوں؟ کیونکہ یہ خرچہ کروائے گی، اس کا جہیز کون بنائے گا
جہیز کے نام پر ذلت ہمیشہ عورت ہی جھیلتی ہے! جہیز کی وصولی کے لیے تو بہت سی بات چیت ہوتی ہے لیکن عموماً حق مہر، نان نفقے اور طلاق کے حق پر سوچ بچار اور لڑکی کی مرضی پوچھنے کی زحمت نہیں کی جاتی۔ کئی دفعہ دلہے منہ دکھائی میں اپنے سابقہ معاشقوں کی فہرست پیش کردیتے ہیں اور فوراً ایک این آر او مانگ لیتے ہیں، سچائی سے بڑا کوئی تحفہ ہو نہیں سکتا ہے، البتہ ان اپنے جیسی ‘سچی’ بیوی درکار نہیں ہوتی ہے۔ ان کو ایک مالدار گونگی بیوی درکار ہوتی ہے۔ جو جہیز لائے بلکہ ہر سال اس ڈیوڈنڈ یا منافع بھی لاتی رہے۔

 

کیا کبھی کسی مرد کو لڑکا نہ پیدا کرنے کی پاداش میں ذلت کا سامنا کرنا پڑا ہے؟ نہیں! مرد موبائل سم کی طرح بیویاں بدل لیتا ہے کہ شاید دوسری یا تیسری کہ یہاں بیٹا پیدا ہوجائے، لیکن اس حقیقت کو ماننے کے لیے تیار نہیں ہوتا ہے کہ یہ قدرتی عمل ہے جس کے لیے کسی عورت کو ذمہ دار نہیں ٹھہرایا جا سکتا۔ ایک عورت کے ہاں لڑکی کے بعد ایک اور لڑکی پیدا ہوجائے تو اسے مزید سزائیں جھیلنی پڑتی ہیں، کبھی کئی بیٹیوں کے باپ کو برا بھلا کہا گیا؟ نہیں، اس کو ہمیشہ احترام کی نگاہ سے دیکھا جاتا ہے، با ہمت اور سخت جان کہا جاتا۔ لیکن اس تمام احترام اور عزت میں بھی ترس اور افسردگی چھپی ہوتی ہے، دوسری جانب اس شخص کی بیوی کو بدنصیب تصور کیا جاتا ہے۔

 

ہم سب کہتے ہیں کہ جہیز ایک لعنت ہے! شاید تبھی معاشرہ اتنا ملعون ہوتا جا رہا ہے، ہم محبت کے عہد و پیماں کے لیے ‘یومِ جانو’ تو ضرور مناتے ہیں لیکن جہیز کی ملعون رسم کو ختم کرنے کے لیے کوئی دن نہیں مناتے ہیں۔ اور اگر کوئی باپ جیسے تیسے کر کہ اپنی بیٹی کو جپیز دے بھی دے تو جہیز کم لانے پر اس کو تاحیات رسوا کیے رکھتے ہیں۔

 

کبھی سنا ہے کہ کسی لڑکے نے منگنی توڑ دی اور انتقاماً لڑکی نے اس کے چہرے پر تیزاب پھینک دیا؟ نہیں! لیکن اگر کوئی لڑکی، کسی لڑکے سے شادی سے انکار کردے تو اس کے چہرے پر تیزاب پھینک کر اسے اپنی دانست میں تاحیات “نشان عبرت” بنادیا جاتا ہے۔

 

دیہی علاقوں میں اگر مرد کا کسی لڑکی پر دل آجائے تو اس لڑکی کے بھائی پر کارو کاری کا الزام لگا کر، بطور سزا اس کی بہن کا ہاتھ مانگ لیا جاتا ہے۔ اس بات کو دیہات کا واقعہ سمجھ کر ہم شہری علاقوں میں رہنے والوں کو اس بات پر خوش نہیں ہونا چاہیئے، کیونکہ ہمارے ملک کی کم و بیش 70 فیصد آبادی دیہات پر ہی مشتمل ہے۔ اور یہ سانحات آئے دن ہوتے رہتے ہیں۔

 

کبھی سنا ہے کہ لڑکا شادی کے بعد انسانی اسمگلروں کے ہاتھوں بیچ دیا گیا؟ نہیں! ہاں یہ ضرور سن رکھا ہے ہم سب نے کہ فلاں لڑکی کو لڑکا گھر سے بھگا لے گیا۔ اگر کوئی بھاگنے والی لڑکی سے پوچھے تو وہ یہ کہتی ہے کہ میں اپنا بنیادی انسانی حق استعمال کر رہی ہوں یعنی کہ اپنی رضامندی سے شادی کا حق۔ یہ حق جو مجھے ریاست اور تمام اقوامِ عالم نے تفویض کیا ہے! لیکن ہر لڑکی جو شادی کرنے کی خاطر اپنا گھر چھوڑ دیتی ہے، تاحیات ہنسی خوشی رہتی ہے؟ شاید! لیکن حقائق تو یہ کہتے ہیں کہ لافانی محبت کے جال میں پھانسنے والے لڑکے ان لڑکیوں کو عموماً معاشرتی دباو کے تحت چھوڑ دیتے ہیں! اور اگر کبھی ان بد بختوں سے پوچھا جائے کہ تم نے اس لڑکی کو اپنی شریکِ حیات کیوں نہ بنایا تو وہ کہتے ہیں کہ جو اپنے ماں باپ کی نہ ہوئی وہ میری کیا ہوتی! میرے بعد کسی اور کے ساتھ بھاگ جاتی لہٰذا میں نے قصہ ہی ختم کردیا، اب میں کسی شریف زادی کے ساتھ شادی کروں گا۔

 

ہمارے معاشرے میں جائیداد کو بچانے کی غرض سے بھی عورت کا استحصال کیا جاتا ہے۔ قرآن سے شادی، وٹہ سٹہ اور شادی بیاہ کی دیگر رسموں میں عورت کو ملکیت کی طرح لین دین کے لیے استعمال کیا جاتا ہے۔ ان قبیح افعال کا پدرسری معاشرے اور عورت کے استحصال سے گہرا تعلق ہے۔ عورت کو ہی ہر مشکل، مصیبت، برائی اور فساد کی جڑ قرار دیا جاتا ہے اور اس بات کو بطور محاورہ بھی استعمال کیا جاتا ہے کہ زن، زر اور زمین ہر فساد کی جڑ ہے۔
کیوں کہ زن کی شادی کرنے کی صورت میں اس کو وراثت میں سے اس کا حصہ دینا پڑے گا، اس لیے اس کو زر اور زمین کا بٹوارہ کرنے والی چیز سمجھا جاتا ہے۔ اس کے بر عکس لڑکا، شادی کی صورت میں دوسرے کے گھر کی زن، زر اور زمین تینوں گھسیٹ لائے گا۔

 

ہمارے معاشرے میں جائیداد کو بچانے کی غرض سے بھی عورت کا استحصال کیا جاتا ہے۔ قرآن سے شادی، وٹہ سٹہ اور شادی بیاہ کی دیگر رسموں میں عورت کو ملکیت کی طرح لین دین کے لیے استعمال کیا جاتا ہے۔
شاید اسی لوٹ کھسوٹ سے بچنے کے لیے مردوں نے عورتوں کے “تبادلے” پر مبنی ایک اور قبیح رسم ایجاد کر ڈالی ہے جسے وٹّہ سٹّہ کہتے ہیں، کہا یہ جاتا ہے کہ اپنی بہن کا گھر سلامت رکھنے کے لیے اگلے کی بہن اپنے گھر لے آو لیکن بادی النظر دیکھا جائے تو نظر آتا ہے کہ تم میری بہن کی جائیداد کا حصہ نہ مانگنا اور میں تمہاری بہن کا حصہ نہ مانگوں گا۔

 

مندرجہ بالا مظالم کم ہیں؟ حقیقت اس سے زیادہ قبیح ہے! اگر یقین نہ آئے تو ٹی وی کھولیں اور ڈرامے دیکھ لیں! وہاں بھی خواتین کے استحصال کی منظر کشی نشر ہو رہی ہے، یہ الگ بات ہے اس منظر کشی کا کوئی اثر نہیں ہورہا ہے۔ تفریحی چینل عورتوں کے استحصال کو ذریعہِ تسکین بنا چکے ہیں عورتیں ان مظالم کو دیکھتی ہیں اور انہی کو اپنا مقدر مان کر چپ پو بیٹھتی ہیں، اور مرد نیوز چینلز پر ہونے والی اس گھٹیا منظر کشی سے نفسانی تسکین کشید کرتے ہیں۔ اخبارات ان مسائل کی خبر لگا کر طاقت کے ایوانوں کو ہلانا نہیں چاہتے ہیں، بلکہ دوسرے اور آٹھویں صفحہ پر خالی کالموں کا پیٹ بھرتے ہیں۔

 

اس غلام گردش سے نکلنے کا واحد راستہ خواتین میں ان حقوق کا شعور اجاگر کرنا ہے۔ اپنے جاننے والوں کو خواتین کے حقوق کے بارے میں بتائیں! انسانی حقوق کا عالمی منشور Universal Declaration of Human Rights کیا کہتا ہے یہ ہر فرد کو بتانا ضروری ہے۔ سیڈا یا CEDAW – Convention on All Form of Discriminations Against Women کیا کہتا ہے؟ شادی سے قبل فریقین کی رضامندی، شادی کے لیے عمر کی کم از کم حد اور شادی کی رجسٹریشن کے عالمی کنونشن Convention on Consent to Marriage, Minimum Age for Marriage and Registration of Marriages میں کیا عہد کیے گئے ہیں۔
عالمی پلان برائے انسدادِ تشدد بر زنان و دختران Global Implementation Plan to End Violence against Women and Girls میں کیا عودے کیے گئے ہیں۔

 

آئینِ پاکستان میں خواتین کو کون سے حقوق تفویض کیے گئے ہیں۔
دفاتر میں ہراسانی سے تحفظ کے قوانین Bill Against Harassment of Women At Workplace کا متن کیا ہے۔
ان دستاویزات کو پڑھیئے اور اوروں کو بھی پڑھائیے، ان پر بحث کریں، بلاگ لکھیں، ویڈیو بنا کر انٹرنیٹ پر پوسٹ کریں، اگر کسی مارننگ شو کا پروڈیوسر آپ کا جاننے والا ہے تو اس سے کہیں کہ ان موضوعات پر سال میں کم از کم بارہ شو ضرور کرے! آئیں عہد کریں کہ ہم کم از کم دس افراد تک یہ پیغام ضرور پہنچائیں گے اور بالخصوص خواتین کو ان کے آئینی و انسانی حقوق کے بارے میں ضرور بتائیں گے۔