پنجاب حکومت نے 5-16 برس کے بچوں کے داخلوں کے لئے ہنگامی مہم کا آغاز کر دیا ہے۔ مہم کے تحت سکول نہ جانے والے چھبیس لاکھ بچوں کو تعلیم مہیا کرنے کے لئے سروے اور تربیت کا عمل مکمل کیا جا چکا ہے۔ بچوں کے داخلے کے لئے بیس ہزار اساتذہ 35تحصیلوں میں کام کریں گے۔ اس مہم میں سکول نہ جانے والے اور مختلف وجوہ کی بنیاد پر سکول چھوڑ نے والے بچوں کو تعلیم فراہم کرنے کے انتظامت کیے جائیں گے۔ مہم کے پہلے مرحلے میں سکول نہ جانے والے بچوں کا سروے مکمل کیا جا چکا ہے۔دوسرے مرحلے میں ہر ضلع کے ڈسٹرکٹ ایجوکیشن آفیسر اپنے ضلع میں تربیت یافتہ اساتذہ کے ذریعے بچوں کی انرولمنٹ یقینی بنائیں گے۔ مہم کے دوران بڑی عمر کے سکول نہ جانے والے بچوں کو لٹریسی سنٹرز میں داخل کیا جائے گا۔ چھوٹی عمر اور سکول چھوڑنے والے بچوں کو ان کی عمر اور قابلیت کے مطابق مختلف جماعتوں میں داخلہ دیا جائے گا۔ پاکستان میں اس وقت لاکھوں بچے تعلیم کے حق سے محروم ہیں انہیں تعلیم کے مواقع فراہم کرنے کی اس کوشش کو سماجی اور فلاحی تنظیموں نے خوش آئند قرار دیا ہے۔ماضی میں بیوروکریسی اور سرکاری اداروں میں موجود بدعنوانی اور غیر پیشہ ورانہ رویے کے باعث تعلیم بالغاں اور مسجد سکول جیسے منصوبے ناکام ہو چکے ہیں۔ انرولمنٹ ایمرجنسی کیمپین میں سرکاری سطح پر فنڈا کی عدم دستیابی، پسماندہ علاقوں میں سکولوں کا نہ ہونا اورچائلڈ لیبر جیسے مسائل کا سامنا ہو سکتا ہے۔
Leave a Reply