اسلام پورہ کی گلیوں میں بد روحیں پھرتی ہیں
اور میرے دل میں سستا نے آتی ہیں

میں یاد کرتا ہوں
وہ چھت پر سو رہی ہوتی
ایک جِن میرا ہاتھ اُس کی رانوں پر پھیرتارہتا
میں بریزیئر میں بنیان اُڑس کر پستان بناتا
اورمشت بھر لطف کے بیج گراتا

جب میں اسے آخری بار ملا
چیونٹیاں اُس کی ایک ٹانگ کُتر چکیں تھی
اس کے تن کا تنا سوکھ چکا تھا
رفتہ رفتہ وقت کی بکری بدن کا پھل بھی چر گئی
قسمت لادین تھی
تعویز بے اثر گئے
اور ڈاکٹر کی دوائی عامل کے کرائے سے مہنگی تھی

عصر کی اذان کے بعد اُسے دفنانے لے جائیں گے
میں اسے تب بھی دیکھتا تھا اورآج بھی دیکھتا ہوں
کل ہمارے درمیان اُس کا شوہر تھا
کل ہمارے درمیان حاملہ عورت کے پیٹ جیسی قبر ہوگی

بنیان جو اَب میں نہیں پہنتا
بریزیئر جو اَب وہ نہیں پہنے گی
غسل خانے میں لٹک رہے ہیں

The post اسلام پورہ میں ایک بدروح افسردہ ہے (زاہد امروز) appeared first on Laaltain.

آدمی زندہ ہے
آدمی زندہ ہے!
آدمی زندہ ہے؟

ریڈیو گا رہا ہے
“ماٹی قدم کریندی یار”
ماٹی قتل کریندی یار

آدمی سو رہا ہے
آدمی ٹھنڈی لاشوں کے درمیان سو رہا ہے
آدمی جاگ رہا ہے
آدمی مردہ عورت سے ہم بستری کے لیے جاگ رہا ہے

بچہ آدمی کی تصویر بنا رہا ہے

بچہ فیڈر پی رہا ہے
اور سوچ رہا ہے
میں بڑا ہو کر قاتل بنوں گا

ریڈیو گا رہا ہے
“ماٹی قدم کریندی یار”
ماٹی قتل کریندی یار
آدمی نہا رہا ہے
نہاتے ہوئے آدمی قتل کے منصوبے بنا رہا ہے

نالی میں خون بہہ رہا ہے
آدمی مر رہا ہے
مرا ہوا آدمی سوچ رہا ہے
آدمی زندہ ہے
آدمی زندہ ہے!
آدمی زندہ ہے؟
آ!
دمی؟
زن!
دہ؟؟؟؟

آدمی
عورت کے پستان سے لٹکا رہتا ہے

بے مصرف دن کی گولائی
گول گھنے چکر میں گھومتی رہتی ہے
دنیا چلتی رہتی ہے
آدمیوں کے دل میں رات ٹھہر جاتی ہے
اس ٹھہری رات میں عورت بچے جنتی ہے

بچے روتے ہیں
بچے ہنستے ہیں
بچے دنیا کی دلال دِلی پر ہنستے ہیں
اااااااااابچے خالق اور مخلوق کی مکاری پر ہنستے ہیں
اااااااااااااااااااابچے عمروں کی عیاری پر ہنستے ہیں
ہنستے ہنستے
ہنسی کا ہتھیار بنا لیتے ہیں بچے

آدمی ڈر جاتا ہے
ڈرا ڈرا سا آدمی
عورت کے پستان سے لٹکا رہتا ہے

دن مردہ پانی میں تیرتا ہے

کبھی کبھی تو میرا ذہن برف کا ٹکڑا بن جاتا ہے
سینہ میلوں میل خشکی سے بھر جاتا ہے
اور آنتیں صحرا میں پگڈنڈیاں بن جاتی ہیں
بے کار باتوں سے بھرے بازار بے زاری کو اور سستا کر دیتے ہیں

ماں روٹی کی باتیں کرتی ہے
کون بہتر باورچی ہے؟
محلہ عورتوں کا چغل خانہ ہے
چار دیواری میں نرگسیت کی بارش برستی رہتی ہے

فیس بُک چوبیس گھنٹے کھلی رہتی ہے
انگلیاں چلتی رہتی ہیں
لاچاری کی دلدل میں بے چہرہ جسم بھٹکتے رہتے ہیں

میں اُکتا کر اٹھتا ہوں
اور سنسان گلی میں خود کو ڈھونڈنے جاتا ہوں
میرا دل ڈوبنے لگتا ہے
ڈوبتے ڈوبتے
دور سمندر میں ایک سبز جزیرے پر میں خود سے ملتا ہوں
دھوپ نکل آتی ہے
برف پگھل جاتی ہے

اینا ماریہ سان فرانسسکو سے مجھے دیکھ رہی ہے

بستر پر لیٹے ہوئے
میں تمہیں پورے جسم سے سوچتا ہوں
اور کھڑکی سے باہر کھڑے دیکھتا ہوں

میرے ہاتھ تمہارے جسم کا ہمالیہ چھوتے ہیں
اور تمہارے سمندر میں اُتر جاتے ہیں
لہریں سان فرانسسکو کی سمت بہتی ہیں
پلٹ کر نہیں آتیں
میں تمہیں نیند کی گود میں دیکھتا ہوں
اور بوسوں کی سیپیاں بھیجتا ہوں

سمندر پر ہوائیں چلتی ہیں
تمہاری گرم سانس کا گردباد میرے سینے سے اٹھتا ہے
بستر میں میرے بال اڑنے لگتے ہیں

تم میرا نمک چکھنے کب آؤ گی؟

تم بن جاتے ہوجو نہیں بننا چاہتے

صبح کی دہلیز پر روز ایک خواب دیکھتے ہو
ہر رات بستر پرایک خواب مر جاتا ہے

تم گھر سے غصے میں نکلو
یا مسکراتے ہوئے
شام کی بُکّل مارے افسردہ لوٹتے ہو

لوگ تمہارے دیہاتی دل سے کھیلتے ہیں
قطرہ قطرہ
غصے کا دریا خشک ندی بن جاتا ہے
آنکھوں کی لالی جلی ہوئی مٹی کی سرخی بن جاتی ہے
سدھائے کتے کی طرح
تم اپنے آقا کے تلوے چاٹنے لگتے ہو

قطرہ قطرہ
زندگی کا زہر تمہاری روح میں گھُل جاتا ہے
لمحہ لمحہ
تم داناہوجاتے ہو
اوربن جاتے ہو
جو نہیں بننا چاہتے

تم زمین سے زیادہ بڑی ہو

تم میرے گرد پیاز کی طرح لپٹی ہو
میں دیوانوں کی طرح
ایک ہی جملہ دُہرائے جاتا ہوں
اور پیاز چھیلے جاتا ہوں

آنسو دُکھ کے ہیں نہ پیاز کے
بے بسی اور حسرت کے ہیں

میں ایک ہی جملہ دوہرائے جاتا ہوں
اور تہہ در تہہ پیاز چھیلے جاتا ہوں
تم تہہ در تہہ لپٹی جاتی ہو
اور زمین سے زیادہ بڑی ہو جاتی ہو

میں اس پیاز کے مرکز میں
دہکتا ہوا دل ہوں
یا کچھ بھی نہیں؟

The post تم زمین سے زیادہ بڑی ہو اور دیگر نظمیں (زاہد امروز) appeared first on Laaltain.

فوج کبھی نغمے نہیں گُنگنا سکتی
کہ سپاہی کھیتیاں اُجاڑنے والے
خود کار اوزار ہوتے ہیں

کیا پھول نوبیاہتا عورت کے بالوں
اور بچوں کے لباس پر ہی جچتا ہے؟
کاش۔۔۔!
وطن کی حدود کے تعیّن کے لیے
پھولوں کی کیاریاں
آ ہنی تاروں کا متبادل ہوتیں!

The post ایک عوامی نظم (زاہد امروز) appeared first on Laaltain.

آدمی سو رہا ہے
آدمی ٹھنڈی لاشوں کے درمیان سو رہا ہے

آدمی جاگ رہاہے
آدمی مردہ عورت سے ہم بستری کے لیے جاگ رہا ہے

بچہ تصویر بناناکھیل رہا ہے
بچہ آدمی کی تصویر بنا رہا ہے

بچہ فیڈر پی رہا ہے
اور سوچ رہا ہے
میں بڑا ہو کر قاتل بنوں گا

آدمی گا رہا ہے
‘‘ماٹی قدم کریندی یار’’
ماٹی قتل کریندی یار

آدمی نہا رہا ہے
آدمی نہاتے ہوئے قتل کے منصوبے بنا رہا ہے

نالی میں خون بہہ رہا ہے
آدمی مر رہا ہے
مرا ہو ا آدمی سوچ رہا ہے
آدمی زندہ ہے
آدمی زندہ ہے!
آدمی زندہ ہے؟
آ!
دمی؟
زن
دہ؟؟؟
؟؟؟؟

The post آدمی زندہ ہے، آدمی زندہ ہے!، آدمی زندہ ہے؟ (زاہد امروز) appeared first on Laaltain.

آدمی شاپنگ بیگ لیے بازار جاتا ہے
آدمی شاپنگ بیگ میں گھر واپس آجاتا ہے

خالی جیب آوارہ کتے کی طرح بھونکتی ہے

کتے کے جسم پر جیب نہیں
کتے کے سامنے پیالہ ہے

کتا صرف گالی دے سکتا ہے
آدمی نہیں بن سکتا!
جس آدمی کی جیب نہیں ہوتی
اس کے پاس پیالہ ہوتا ہے

آدمی ہو یا کتا
جو روٹی دیتا ہے
وہ مالک ہوتا ہے

جب پیالہ نہیں تھا
میں آزاد تھا
اب پیالہ بھرا ہوا ہے
بیوپار ہو رہا ہے
اب میں پالتو ہوں
Image: Banksy

The post آدمی بیوپار ہے appeared first on Laaltain.

آدمی سوچتا ہے
زخم اِنسان کا زیور ہے
یہ تو ایک مکَر ہے
مکَر عورت کا چور دروازہ ہے
اور مرد کے ماتھے کا محراب

منکوحہ عورتیں منافق نکلیں
تو رات نے سوچا
جس کا مرد زیادہ گھائل ہو
اس کی عورت زیادہ گہری ہوتی ہے

لندن لڑکیوں سے بھرا پڑا ہے
لیکن دل کا دالان خالی ہے

مے نوشی کی رات کے بعد
راہ پڑے بنچ پر آنکھیں کھولو
کمرے میں جوتوں سمیت جاگو
یا اجنبی بستر کی رانوں سے طلوع ہو
آدمی تنہائی کو طلاق نہیں دے سکتا

رات کے تین بجے ہوں
یا تیس برس کی زوجیت ہو
خواب ہو یا بستر
عورت اپنا مرد خود چنتی ہے

عمر علی!
لندن ہو یا لائل پور
دنیا ایک سی ہے

منشی محلے کے چکلے کی عورت بھی شاطر نکلی
اُس نے رمضان کے سارے روزے رکھے
اور تیس راتیں کمائیں
ہم بستری کے بعد وہ نماز پڑھنے چلی گئی
میں غسل کیے بغیر نظم لکھنے لگا

Image: Jean-Michel Basquiat

The post نظم کے لیے غسل واجب نہیں appeared first on Laaltain.

کبھی کبھی تو میں اِس باغ کے باترتیب کیاروں میں
کھِلے ہوئے پھولوں سے ڈر جاتا ہوں
جن کے رعب تلے دب جاتی ہیں
میری ننھی خوشیاں
میرے مسکانے کی معصوم سی خواہش
اِن پھولوں کی سچائی کو سچ کرنے کی خاطرہی تو ہے
گل بانوں کا سارا پانی، ساری محنت
ایسے میں میری خود رَو سچائی کو جھوٹے بھی گر جھوٹا جانیں
تو خود انصاف کرو
میں کس کو جھٹلاؤں؟

میں نے تو بس اپنے اثبات کی خاطر
اپنے پہلو میں ایک کلی کو ساتھ کیا
جو نہ شبِ حشر کی ملکہ
نہ روزِ اجر کی رانی
جس نے اپنے اثبات کی خاطر
نہ کوئی کہرام کیا
نہ کوئی ہنگام کیا
بس اتنا سا کام کیا
خاموشی سے مجھ بے نام کا نام لیا
Image: Salavador Dali

The post نظم لکھنے سے پہلے ایک نظم appeared first on Laaltain.

کُوڑے پر کتوں کے پِلے دن کی دھوپ میں کھیلتے ہیں
اور کُتیا کے گندے تھنوں سے کڑوی خشکی چوستے ہیں
بے چینی میں پھدک پھدک کر اپنی دم کو نوچتے ہیں
ایک رسیلی ہڈی کی خاطرچاؤں چاؤں بولتے ہیں
صاف گھروں کی جانب اپنے بزدل جبڑے کھولتے ہیں

صبح چماروں کے بچے کچرے میں قسمت چننے آتے ہیں
پلّے اُن کے قدموں میں
امن کے جھنڈے کی ماننداپنی دُمیں ہلاتے ہیں
جب بچا ہوا روٹی کا ٹکڑا بچے کے ہاتھ میں آتا ہے
کتوں کے پیٹ میں بھوک کا پودا اُگنے لگتا ہے
آنکھوں میں بے صبری بھونکنے لگتی ہے
بھاگتے بچوں کا رستہ روکنے لگتی ہے

جب اس ہنگامے کا شور
ہماری نیند آلودہ کرتا ہے
ہم کروٹ کروٹ کڑھتے ہیں
اور اونگھتے اونگھتے سوچتے ہیں
صاف گھروں کے باہر ہم نے
کیوں کوڑے کا ڈھیر لگایا؟
اور اس ڈھیر میں پیدا ہوئے پھر
فوج، حکومت اور ہتھیار
کس نے دیا اِن کو اختیار!

Image: Ibrahim El-Salahi

The post کچرے کی حکومت appeared first on Laaltain.

میں دیکھتا ہوں
جیسے ہر دو چیزیں
اِک دوجے سے دور ہوئی جاتی ہیں
جیسے میری روح خزاں کا پھول ہے
جیسے میرا دل ایک سمندری گھونگا ہے
جیسے ساری دنیا ایسی ہے
جیسی وہ رہنا چاہتی ہے
اِسی طرح جو تم ہو
گندم کا دودھیا خوشہ
چھلی ہوئی بے پردہ چھلّی
اِسی طرح تم وہی رہو
پوری اور ادھوری
جس کا دل ہے سیّاروں کا سورج
جس کا جسم ہے ساری کائنات

اِسی طرح تم وہی رہو
عیاری اور منافقتوں سے پاکیزہ
جس کو پوجنا چاہتا ہے
دنیا کا مکّار خدا!

The post تم وہی رہو، جو ہو appeared first on Laaltain.

ﺻﻒ ﺑﮧ ﺻﻒ
ﺗﻤﮩﺎﺭﯼ ﯾﺎﺩ ﮐﯽ ﭼﯿﻮﻧﭩﯿﺎﮞ ﺁﺗﯽ ﮨﯿﮟ
ﺍﻭﺭ ﺭﯾﻨﮕﺘﮯ ﺭﯾﻨﮕﺘﮯ ﻣﯿﺮﮮ ﺩﻝ ﻣﯿﮟ ﺭﯾﻨﮕﻨﮯ ﻟﮕﺘﯽ ﮨﯿﮟ
ﺧﻮﺍﮨﺶ ﺍﻭﺭ ﺧﻮﺭﺍﮎ
ﻣﺤﺒﺖ ﺍﻭﺭ ﻣﺎﯾﻮﺳﯽ
ﻭﮦ ﺩﺍﻧﮧ ﺩﺍﻧﮧ ﺳﺐ ﮐﭽﮫ ﭼُﻦ ﻟﯿﺘﯽ ﮨﯿﮟ
ﺫﺭّﮦ ﺫﺭّﮦ ﻣﺠﮫ ﮐﻮ
ﺟﺴﻤﻮﮞ ﮐﮯ ﺧﺎﻟﯽ ﺑِﻞ ﻣﯿﮟ ﺑﮭﺮ ﻟﯿﺘﯽ ﮨﯿﮟ

ﺩﻧﯿﺎ ﺗﻢ ﮐﻮ ﺟﯿﺴﮯ ﺑﮭﯽ ﺩﯾﮑﮭﮯ
ﻣﯿﺮﮮ ﻟﯿﮯ ﺗﻢ
ﮐﻮﮦِ ﻧﻤﮏ ﮐﯽ ﮈﮬﻠﻮﺍﻧﻮﮞ ﮐﯽ ﻧﺎﮨﻤﻮﺍﺭﯼ ﮨﻮ
ﺍﭘﻨﯽ ﺍُﺗﺮﺍﺋﯽ ﭘﮧ ﺗﻤﮩﺎﺭﮮ ﮐﻮﻟﮩﮯ
ﭘﻮﭨﮭﻮﮨﺎﺭ ﮐﯽ ﺭﺍﺕ ﺳﮯ ﮨﻢ ﺑﺴﺘﺮ ﮨﻮﺟﺎﺗﮯ ﮨﯿﮟ
ﺗﻤﮩﺎﺭﮮ ﺩﻝ ﮐﯽ ﭼﮭﺖ ﭘﺮ ﺩﻭ ﻣﮩﺘﺎﺏ ﭼﻤﮑﺘﮯ ﮨﯿﮟ
ﺟﻦ ﮐﯽ ﺿَﻮ ﻣﯿﮟ ﻣﯿﺮﯼ ﺭﻭﺡ ﻏﺴﻞ ﮐﺮﺗﯽ ﮨﮯ
ﺩُﮬﻠﯽ ﮨﻮﺋﯽ ﺍِﺱ ﺭﻭﺡ ﻣﯿﮟ ﺗﻢ
ﺍﭘﻨﮯ ﮨﻮﻧﭩﻮﮞ ﮐﺎ ﺭَﺱ ﺑﮭﺮﺩﯾﺘﯽ ﮨﻮ
ﺟﺲ ﮐﻮ ﺗﻤﮩﺎﺭﯼ ﯾﺎﺩ ﮐﯽ ﭼﯿﻮﻧﭩﯿﺎﮞ
ﻗﻄﺮﮦ ﻗﻄﺮﮦ ﭘﯿﺘﯽ ﮨﯿﮟ
ﺍﻭﺭ ﻟﻤﺤﮧ ﻟﻤﺤﮧ ﺟﯿﺘﯽ ﮨﯿﮟ

The post ﺩﻧﯿﺎ ﺗﻢ ﮐﻮ ﺟﯿﺴﮯ ﺑﮭﯽ ﺩﯾﮑﮭﮯ appeared first on Laaltain.