جس جگہ آج
تماشائے طلب سے ہے جواں
محفل رنگ و مستی
کل یہاں، ماتم یک شہر نگاراں ہو گا

آج جن رستوں پہ
موہوم تمنا کے درختوں کے تلے
ہم رکا کرتے ہیں, ہنستے ہیں
گزر جاتے ہیں
ان پہ ٹوٹے ہوئے پتوں میں ہوا ٹھہرے گی

آج ۔۔۔ جس موڑ پہ، ہم تم سے ملا کرتے ہیں
اس پہ کیا جانیے
کل کون رکے گا آ کر ۔۔۔۔۔

آج اس شور میں شامل ہے
جن آوازوں کی دل دوز مہک
کل یہ مہکار اتر جاے گی, خوابوں میں کہیں ۔۔۔۔

گھومتے گھومتے تھک جائیں گے
ہم — فراموش زمانے کے ستاروں کی طرح
ارض موجود کی سرحد پہ
بکھر جائیں گے ۔۔۔۔۔۔۔

اور کچھ دیر، ہماری آواز
تم سنو گے تو ٹھہر جاؤ گے
دو گھڑی
رک کے گزر جاؤ گے، چلتے چلتے

اور سہمے ہوئے چوباروں میں
انہی رستوں، انہی بازاروں میں
ہنسنے والوں کے
نئے قافلے آ جائیں گے !
Image: Hasan Abdali

The post یہ شام بکھر جائے گی (ابرار احمد) appeared first on Laaltain.

The post میں نے ایک گھر بنایا ہے appeared first on Laaltain.

آہستہ آہستہ قدم رکھتے ہوئے
تم میرے دل سے گزرے تھے
یا شاید میں تمھارے دل سے ۔۔۔۔
اور چاندنی، ہماری انگلیوں سے الجھ رہی تھی
زمین پر ایسی شام
شاید ہی کہیں اتری ہو
کیفے کی باڑھ سے
دنیا ہمیں دیکھتی تھی
پاس بلاتی تھی
اور ہم
لوٹ گئے تھے ۔۔۔۔۔ اپنے اپنے جہنم کو
اذیت اور انکار کی ہر رات
اس شام کی پناہ میں ہے

وقت کم ہے یا زیادہ
کچھ پتا نہیں چلتا
میں ایک خواب سے دوسرے خواب میں
اس شام سے گزر کر جانا چاہتا ہوں
تم کہاں ہو
موت مجھے بلاتی ہے
Image: Edward Munch

The post موت مجھے بلاتی ہے appeared first on Laaltain.

The post بہت یاد آتے ہیں appeared first on Laaltain.

The post میرے پاس کیا کچھ نہیں appeared first on Laaltain.

چیختے ہیں اور چپ کرا دیتے ہیں
سر عام، رقص کرتے ہیں
اور گاڑیاں آپس میں ٹکرا جاتی ہیں
لڑکے لڑ پڑتے، مرد پتلونیں کس لیتے
اور بوڑھے
تمباکو میں، گڑ کی مقدار بڑھا دیتے ہیں۔۔۔۔

کوئی میز ان کے سامنے جما نہیں رہ سکتا
اور کوئی محفل ، ان کا داخلہ روک نہیں سکتی
وہ ٹھوکر سے دروازہ کھولتے ہیں
اور ہر کرسی، ان کے لیے خالی ہو جاتی ہے
ان کے دبدبے سے
دیواروں کا پلستر، اکھڑ جاتا ہے
کاغذ شور کرنا بھول جاتے ہیں
اور موسم… ارادے تبدیل کر لیتے ہیں

آگے بڑھنے والوں سے پناہ مانگتے ہیں
ان کے ساتھی۔۔۔
ڈرتے ہیں
زمین پر جھک کر چلنے والے
بوجھل خاموشی سے انھیں دیکھتے
اور گزر جاتے ہیں

آگے بڑھنے والے نہیں جانتے
کہ آگے بڑھا جا ہی نہیں سکتا

پھر بھی وہ بڑھتے ہیں
بے حیائی کی شدت
آنکھوں میں موتیا اترنے کی رفتار کو تیز کر دیتی ہے
ہر تنے کی چھال، بدن پر
انمٹ خراشیں چھوڑ جاتی ہے
پھٹکری اور ویزلین سے چکنایا ہوا ماس
ہڈیوں سے
ہمیشہ جڑا نہیں رہ سکتا

ہر بدن اور کرسی کی ، ایک عمر ہوا کرتی ہے

اور پھر ہم انھیں دیکھ سکتے ہیں
ایک دن
نچے ہوے لباس میں
خلا کو گھورتے ہوے
کسی نیم تاریک نشیب میں
پر کٹے پرندے کی طرح
مٹی پر لوٹتے ہوئے

آگے بڑھنے کی ، پیہم کوشش میں

Image: Do-Ho Suh

The post آگے بڑھنے والے appeared first on Laaltain.

تم جو آتے ہو
تو اس حبس، دکھن کے گھر سے
رنج آئندہ و رفتہ کی تھکاوٹ سے
نکل لیتے ہیں
تم سے ملتے ہیں
تو دنیا سے بھی مل لیتے ہیں

Image: Henn Kim

The post تم جو آتے ہو appeared first on Laaltain.

The post اجنبی جگہیں appeared first on Laaltain.

آنکھیں دیکھتی ہیں
دور کے راستوں کو
اور رگوں کو بھر دیتی ہیں
موسموں اور منظروں کی آگ سے
اتار دیتی ہیں تھکن اور دیکھتی رہتی ہیں
رات دن ، چمکتے جگنوؤں کی طرح
تھوڑا زاد سفر باندھ دیتی ہیں
یاد داشت کی گٹھری میں ——–
ہنستی ہیں اور دیکھتی رہتی ہیں
کھلتے ہوے پھول ، بارش میں بھیگتے ہوے درخت اور آدمی
دریاؤں کے کنارے ، آبادیوں میں اترنے والی شام ،مسکراتی ہوئی دھوپ
اور مکتب سے نکلتے بچوں کی اجلی وردیاں ———
روتی ہیں اور دیکھتی رہتی ہیں
ایڑی میں چبھ جانے والی کیل ، اڑتے ہوے بادل ،معدوم ہوتے ہوے ماہ و سال
ابدیت کے جنگل میں بھٹکتی ہوئی چاندنی
اور ہاتھوں سے گرتی ہوئی مٹی

آنکھیں نکل جاتی ہیں قدموں سے آگے
اور مکمل کر دیتی ہیں سفر
بھر جاتی ہیں اور دیکھتی رہتی ہیں
گزری ہوئی بستیاں ،اور ان میں ایستادہ گھر
اور دہلیز پر کھلا ہوا پھول
اور آغاز کی سر خوشی اور ملال کے سائے

آنکھیں دیکھتی رہتی ہیں
لیکن تم نہیں دیکھتے
پڑے رہتے ہو عقب کے اندھیروں میں، لمبی تان کر
اور نہیں جانتے
آنکھیں کیا کچھ دیکھ سکتی ہیں !!
Image: Duy Huynh

The post تم نہیں دیکھتے appeared first on Laaltain.

Image: Hossein Zare

The post روئی ہوئی آنکھ سے appeared first on Laaltain.