عشرہ // کربلا سے مختلف نتائج

عشرہ -- دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

پرسوں برسوں کا ذکر کرتے ہیں
آج میں زندہ رہ نہیں سکتے
ہم روایت پہ ڈیلی مرتے ہیں

ظلم جو اجنبی پہ چل رہا ہو
اس کے بارے میں ۔۔ 'کہہ نہیں سکتے'
کھیت، چاہے کسان جل رہا ہو

آگ، اندھیرے سے بجھانے والے
سنگ کو آئینہ دکھانے والے
آئینہ دیکھنے سے ڈرتے ہیں
کربلا دیکھنے سے ڈرتے ہیں