عشرہ / قصہ ء پاک و ہند ما قبلِ قدیم

عشرہ -- دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

لادے بموں سے سینے
میزائلوں سے شانے
تند ایٹمی طنابیں
تیز آتشی نشانے

اندر سے پر، نمانے
'مانی' کو ترسے نکلے

ادھڑی ہوئی جرابیں
اکھڑے ہوئے مسوڑھے
لڑنے کو گھر سے نکلے
ستر برس کے بوڑھے!

(مانی = روٹی یا کھانا، سندھی میں)