عشرہ / سترہ سے سترہ تک

عشرہ -- دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

ظلم کے زور پہ کھینچی گئی لائن
خلق کے خون سے سینچی گئی لائن
اس خونی ریکھا کی رکھشا
اب تک کس کھاتے میں قرض ہے
اس کَالی دیوی کی سیوا
آخر کس چکر میں فرض ہے
کیا تاریخ کا قاعدہ کوئی نئیں؟
اور اک جنگ کا فائدہ کوئی نئیں!
پھولوں سے خالی گملے تھے
سترہ دن... سترہ حملے تھے!