عشرہ / اپنی جنگ احتیاط سے چنیں

عشرہ -- دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

ناداری سے جنگ
یا رام کی رحیم سے جنگ

بیماری سے معرکہ
یا گورے کا کالے پر حملہ

استحصال سے لڑائی
یا امریکہ کی چین پر چڑھائی

ظلم و جبر سے جھگڑا
یا مرد و زن کا اِٹ کھڑکا

جہالت سے جھڑپیں
یا خیالی دوستوں کے ساتھ فرضی دشمنوں کے خلاف غزوات