کربلا Archives - Laaltain https://laaltain.pk/tag/کربلا/ Pakistan's First Bilingual Youth Magazine Sun, 06 Jul 2025 13:16:34 +0000 en hourly 1 https://wordpress.org/?v=7.0 https://laaltain.pk/wp-content/uploads/2024/04/Laaltain-Black-1.png کربلا Archives - Laaltain https://laaltain.pk/tag/کربلا/ 32 32 پر اس جہان سے بھی ہے بڑا ملالِ حسین https://laaltain.pk/per-is-jahanse-bhi-bara-hai-malal-e-hussain/ https://laaltain.pk/per-is-jahanse-bhi-bara-hai-malal-e-hussain/#respond Sun, 06 Jul 2025 05:39:55 +0000 https://laaltain.pk/?p=33626 اسی کے خوں سے زمیں کو نئی حیات ملی
اسی کے زخم سے عالم کی ممکنات تمام

The post پر اس جہان سے بھی ہے بڑا ملالِ حسین appeared first on Laaltain.

]]> قبائے خاک مجھے دشت نے ودیعت کی
پھر اس کے ساتھ جنوں کی مجھے نصیحت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بجھا چراغ تو روشن ہوا جمالِ حسین
خیام چرخ بنا اور سجا ہلالِ حسین

سپاہ پست نے تھاما فنا کا کند سلاح
بقا نیام سے نکلی ہوا جدالِ حسین

بساطِ عشق کو شہ مات سے شروع کیا
اور ایک چال سے فاتح بنا جلالِ حسین

جہاں پناہ جہاں ہے ترا وسیع و عریض
پر اس جہان سے بھی ہے بڑا ملالِ حسین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لباسِ حج کو اتارا جنون پوش کیا
ابد کا جام اٹھایا بقا کو نوش کیا

فراتِ عشق کی جانب رخِ مراد ہوا
لہو کو نعل لگائی طلب کو دوش کیا

نیامِ دشت سے نکلی اجل کی تیغِ سراب
یقیں کو ڈھال بنایا رضا کو پوش کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فراتِ اشک کا ساحل لبانِ خشک ہوئے
اجل کے دست لہو کی مہک سے مشک ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سنانِ صبر سے شر کے جگر کو چاک کیا
جبینِ دشت سے زعمِ فنا کو پاک کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لباسِ دشت پہ تازہ لہو کا داغ لگا
گلِ حسین سے صحرا بھی ایک باغ لگا

سناں کی نوک پہ جب شاہ نے طلوع کیا
فلک کے طاق پہ رکھا قمر چراغ لگا

فنا کی تیغ سے اس نے کوئی کلام کیا
جسے سمجھنے کو ہستی کا سب دماغ لگا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گلو صغیر کا گل کی طرح نمود ہوا
بقا کی گود میں گویا چمن کشود ہوا

سپاہِ بد کے سواروں نے دشت پست کیا
پسر رباب کا نکلا تو دشت عود ہوا

کمانِ کرب سے نکلا ستم کا تیر عدم
لبانِ خشک ہلے اور سپر درود ہوا

پدر کی شاخ پہ اصغر مثال برگ ہلے
ستم کی بادِ فنا کا عجب ورود ہوا

اجل نے کان دھرے نغمہء رباب سنا
الم کے تارِ شکستہ سے کیا سرود ہوا

فلک کی سمت اچھالی پسر کی تشنہ فغاں
سحابِ زخم بنا اور لہو فرود ہوا

لہو سے ریشِ مبارک کو یوں خضاب کیا
فنا کا نغمہ رکا سازِ غم جمود ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نگاہِ شہ نے غرورِ اجل کو خاک کیا
پھر اپنے خون سے دشتِ فنا کو پاک کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کسی کا زخم کی بخیہ گری میں نام ہوا
کسی کے زخم کا بخیہ گری سے کام ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زمیں کے خشک لبوں کو لہو سے تر رکھا
سخی نے موت کے کاسے میں اپنا سر رکھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قضا کے ساتھ عطش کی بس اک نشست ہوئی
لبانِ خشک سے صحرا کو کیا شکست ہوئی

لہو کے ساز پہ جوں ہی کسی نے ہاتھ رکھا
ہوائے مرگ مثالِ کنیز مست ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قبائے جسم مجھے دشت نے ودیعت کی
اور اس کے ساتھ جنوں کی مجھے نصیحت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسی نے میری نگاہوں میں ایک راز رکھا
اسی نے میرے لبوں کو سخن سے باز رکھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیاضِ عشق کو دیکھا اسے درست کیا
سناں کی نوک سے سارا کلام چست کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہیں خدا ہے کہیں انبیا کہیں پہ ملک
خیامِ شاہ میں ٹھہری ہے کائنات تمام

اسی کے اذن سے آنکھوں کو خوئے گریہ ملی
اسی کے غم سے عبارت ہیں شش جہات تمام

اسی کے خوں سے زمیں کو نئی حیات ملی
اسی کے زخم سے عالم کی ممکنات تمام

The post پر اس جہان سے بھی ہے بڑا ملالِ حسین appeared first on Laaltain.

]]> https://laaltain.pk/per-is-jahanse-bhi-bara-hai-malal-e-hussain/feed/ 0 کالی ووڈ عشرے https://laaltain.pk/%da%a9%d8%a7%d9%84%db%8c-%d9%88%d9%88%da%88-%d8%b9%d8%b4%d8%b1%db%92/ https://laaltain.pk/%da%a9%d8%a7%d9%84%db%8c-%d9%88%d9%88%da%88-%d8%b9%d8%b4%d8%b1%db%92/#respond Sat, 30 Sep 2017 21:14:12 +0000 https://laaltain.pk/?p=22231 ادریس بابر: اب جو تمہارے نام پہ چیختی پیٹی روتی بستی ہے
عام پڑھی لکھی جہالت نہیں، خالص نسل پرستی ہے

The post کالی ووڈ عشرے appeared first on Laaltain.

]]> کالی ووڈ عشرہ 1

ھمیں افسوس ہے! تم مارے گئے، اور تمہارے ساتھی، پیارے
جس موقف کو ٹھیک سمجھتے ہوں گے، اُسی پر وارے گئے

دوسرے بھی اپنے موقف کو کم سے کم اتنا ہی ٹھیک سمجھتے تھے
نامعلوم اسباب سے جو احباب کی نصرت کو بر وقت نہیں پہنچی
دشمن خود کو اسی سوپر پاور کے زیادہ نزدیک سمجھتے تھے

جب، جو بھی ہو، سب اُس کی مرضی ہے تو…کیا وہ حقیقت میں فرضی ہے؟

ظالم اور مظلوم کا ایسے فیصلہ ہونا نئیں میرے دوست
یہ کوئی خالی ڈیڑھ ہزار برس کا رونا نئیں، میرے دوست!

اب جو تمہارے نام پہ چیختی پیٹی روتی بستی ہے
عام پڑھی لکھی جہالت نہیں، خالص نسل پرستی ہے

کالی ووڈ عشرہ 2
کالی ووڈ عشرہ 3

جو بطور نشانی باقی تھے، اِن بزرگوں کی کوششوں کے بغیر
سلطنت پھیلتی ہی جاتی تھی..اچھا تھا سوئے رہتے چونکے بغیر
لونڈیاں، لونڈے، روپیہ، پیسا۔۔۔۔۔۔۔۔ ہر طرح کے تحایف آتے تھے
سب جو اپنے گھروں میں بیٹھے ہوے۔۔۔۔ اچھے خاصے وظیفے پاتے تھے

پھر یہ جانے جہاد تھا کیسا، کیسے معصوم لوگ تھے صاحب!
وہم تھے کیا سروں میں بیٹھے ہوے، اور لہو میں فساد تھا کیسا
سب نے روکا، مگر نکل ہی پڑے! کیسے مظلوم لوگ تھے صاحب!

مارنے والوں مرنے والوں نے ایک ہی تو خدا کا نام لیا
آج تک جن کے بارے میں سب نے سستے مبالغے سے کام لیا
ان کے با موت مارے جانے کا، ایک قاتل نے انتقام لیا

کالی وڈ عشرہ 4

زید، علی الصبح شہر میں داخل ہوا
شام ہونے سے پہلے پہلے
اسیّ ہزار جانثار سر کٹانے کو تیار

بکر منہ اندھیرے شہر میں داخل ہوا
رات پڑنے سے پہلے پہلے
اسیّ ہزار وفادار بمع تیر و تفنگ و تلوار

عمر پَو پھٹے شہر میں داخل ہوا.…
وہی اپنے پرانے وفادار جانثار اسی ہزار بمع فرس و تلوار ہمہ وقت تیار

زید کو بکر نے لٹکا دیا، بکر کو عمر نے، عمر کو …

شہر کی آبادی بدستور آٹھ دس ہزار کے لگ بھگ رہی

کالی ووڈ عشرہ 9

اچھے سیانے تھے تم حجاز کی وظیفہ خور آزادی میں
کس پکنک پر کیمپ لگایا فرات کی با آب و گیہ وادی میں

فرزدق، اصلی فرضی روکنے والے ملے ہر ہر فرسنگ پہ
کم ہی کوئی ہوگا جس نے تمہیں اکسایا ہو ایسی جنگ پہ

با آسانی الگ کر سکتے ہیں اب ہم جھوٹ کو سچ سے
دین کی پوشیدہ نصرت کو، کرسی کے خفیہ لالچ سے

عربی سوا نیزے سے نیچے، عجمی طشت سے ہٹ کر
دھاڑیں مارتے پچھاڑیں کھاتے ہجوم ہیں
ریت کے ذروں میں شامل بیکار نجوم ہیں
میں رستے پر بھٹک پڑا ہوں قادسیہ کے دشت سے ہٹ کر

The post کالی ووڈ عشرے appeared first on Laaltain.

]]> https://laaltain.pk/%da%a9%d8%a7%d9%84%db%8c-%d9%88%d9%88%da%88-%d8%b9%d8%b4%d8%b1%db%92/feed/ 0 تا بہ محشر ماتمِ آلِ پیمبر دیکھنا https://laaltain.pk/%d8%aa%d8%a7-%d8%a8%d8%a7-%d9%85%d8%ad%d8%b4%d8%b1-%d9%85%d8%a7%d8%aa%d9%85%d9%90-%d8%a2%d9%84%d9%90-%d9%be%db%8c%d9%85%d8%a8%d8%b1-%d8%af%db%8c%da%a9%da%be%d9%86%d8%a7/ https://laaltain.pk/%d8%aa%d8%a7-%d8%a8%d8%a7-%d9%85%d8%ad%d8%b4%d8%b1-%d9%85%d8%a7%d8%aa%d9%85%d9%90-%d8%a2%d9%84%d9%90-%d9%be%db%8c%d9%85%d8%a8%d8%b1-%d8%af%db%8c%da%a9%da%be%d9%86%d8%a7/#respond Thu, 27 Oct 2016 07:09:48 +0000 https://laaltain.pk/?p=19036 نادے علی شہری معمولات اور سڑکوں پر دوڑتی بھاگتی زندگی کی عکاسی میں دلچسپی رکھتے ہیں۔ یہ تصاویر نادے علی کے اس تصویری سلسلے کا حصہ ہیں جو لاہور میں عاشورہ اور اس سے متعلق رسوم و روایات کی عکاسی پر مبنی ہے۔

The post تا بہ محشر ماتمِ آلِ پیمبر دیکھنا appeared first on Laaltain.

]]> [blockquote style=“3”]

نادے علی شہری معمولات اور سڑکوں پر دوڑتی بھاگتی زندگی کی عکاسی میں دلچسپی رکھتے ہیں۔ یہ تصاویر نادے علی کے اس تصویری سلسلے کا حصہ ہیں جو لاہور میں عاشورہ اور اس سے متعلق رسوم و روایات کی عکاسی پر مبنی ہے۔ یہ تصاویر عاشورہ سے متعلق ثقافتی معمولات کی ایک جھلک ہیں۔ یہ تصویری جھلکیاں کسی خارجی شاہد کا مشاہدہ نہیں بلکہ لوگوں اور ان کی سرگرمیوں کا حصہ بن جانے والے فرد کے زاویہ نگاہ سے سب کچھ محسوس کرنے کی کوشش ہیں۔

[/blockquote]

نام تیرا سببِ جنبشِ لب ہائے رسول
نام تیرا سببِ جنبشِ لب ہائے رسول
ہمراز یہ فسانہءِ آہ و فغاں نہ پوچھ
ہمراز یہ فسانہءِ آہ و فغاں نہ پوچھ
جو شے بھی ہے وہ درد کا پہلو لئے ہوئے
جو شے بھی ہے وہ درد کا پہلو لئے ہوئے
اب بھی جو محوِ درسِ بغاوت ہے وہ حسین
اب بھی جو محوِ درسِ بغاوت ہے وہ حسین
السلام اے مبتلائے صد بلا
السلام اے مبتلائے صد بلا
اے حاملانِ آتشِ سوزاں بڑھے چلو
اے حاملانِ آتشِ سوزاں بڑھے چلو
اے منچلوں کے قافلہ سالار المدد
اے منچلوں کے قافلہ سالار المدد
بہت ہے پایہءِ گردِ رہِ حسین بلند
بہت ہے پایہءِ گردِ رہِ حسین بلند
وہ جس کے ماتمیوں پر ہے سلسبیل سبیل
وہ جس کے ماتمیوں پر ہے سلسبیل سبیل
ہمارے درد کی یا رب کہیں دوا نہ ملے--اگر نہ درد کی اپنے دوا کہیں اس کو
ہمارے درد کی یا رب کہیں دوا نہ ملے–اگر نہ درد کی اپنے دوا کہیں اس کو
سائے میں جس نشان کے طوبیٰ کی شان تھی
سائے میں جس نشان کے طوبیٰ کی شان تھی
کس سے کہیں یہ درد فراوان کربلا
کس سے کہیں یہ درد فراوان کربلا
جگر ہو سنگ کا سننے کو ماجرائے حسین
جگر ہو سنگ کا سننے کو ماجرائے حسین
کیا لکھوں اسپِ سبک سیر کی اس کے تعریف
کیا لکھوں اسپِ سبک سیر کی اس کے تعریف
آندھی کی طرح آتا تھا وہ رزم گاہ میں
آندھی کی طرح آتا تھا وہ رزم گاہ میں
پھر اگلے سال ہم یونہی صفِ ماتم بچھائیں گے۔۔رہی گر زندگی اے کربلا والو
پھر اگلے سال ہم یونہی صفِ ماتم بچھائیں گے۔۔رہی گر زندگی اے کربلا والو

The post تا بہ محشر ماتمِ آلِ پیمبر دیکھنا appeared first on Laaltain.

]]> https://laaltain.pk/%d8%aa%d8%a7-%d8%a8%d8%a7-%d9%85%d8%ad%d8%b4%d8%b1-%d9%85%d8%a7%d8%aa%d9%85%d9%90-%d8%a2%d9%84%d9%90-%d9%be%db%8c%d9%85%d8%a8%d8%b1-%d8%af%db%8c%da%a9%da%be%d9%86%d8%a7/feed/ 0 عشرہ // کربلا سے مختلف نتائج https://laaltain.pk/%d8%b9%d8%b4%d8%b1%db%81-%da%a9%d8%b1%d8%a8%d9%84%d8%a7-%d8%b3%db%92-%d9%85%d8%ae%d8%aa%d9%84%d9%81-%d9%86%d8%aa%d8%a7%d8%a6%d8%ac/ https://laaltain.pk/%d8%b9%d8%b4%d8%b1%db%81-%da%a9%d8%b1%d8%a8%d9%84%d8%a7-%d8%b3%db%92-%d9%85%d8%ae%d8%aa%d9%84%d9%81-%d9%86%d8%aa%d8%a7%d8%a6%d8%ac/#respond Wed, 12 Oct 2016 05:01:07 +0000 https://laaltain.pk/?p=18709 ادریس بابر: آگ، اندھیرے سے بجھانے والے
سنگ کو آئینہ دکھانے والے
آئینہ دیکھنے سے ڈرتے ہیں
کربلا دیکھنے سے ڈرتے ہیں

The post عشرہ // کربلا سے مختلف نتائج appeared first on Laaltain.

]]> [blockquote style=“3”]

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

[/blockquote]
youth-yell

مزید عشرے پڑھنے کے لیے کلک کیجیے۔

[vc_row full_width=”” parallax=”” parallax_image=“”][vc_column width=“2/3”][vc_column_text]

کربلا سے مختلف نتائج

[/vc_column_text][vc_column_text]

پرسوں برسوں کا ذکر کرتے ہیں
آج میں زندہ رہ نہیں سکتے
ہم روایت پہ ڈیلی مرتے ہیں

 

ظلم جو اجنبی پہ چل رہا ہو
اس کے بارے میں ۔۔ ‘کہہ نہیں سکتے’
کھیت، چاہے کسان جل رہا ہو

 

آگ، اندھیرے سے بجھانے والے
سنگ کو آئینہ دکھانے والے
آئینہ دیکھنے سے ڈرتے ہیں
کربلا دیکھنے سے ڈرتے ہیں

[/vc_column_text][/vc_column][vc_column width=“1/3”][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

The post عشرہ // کربلا سے مختلف نتائج appeared first on Laaltain.

]]> https://laaltain.pk/%d8%b9%d8%b4%d8%b1%db%81-%da%a9%d8%b1%d8%a8%d9%84%d8%a7-%d8%b3%db%92-%d9%85%d8%ae%d8%aa%d9%84%d9%81-%d9%86%d8%aa%d8%a7%d8%a6%d8%ac/feed/ 0 شکست کس کی https://laaltain.pk/%d8%b4%da%a9%d8%b3%d8%aa-%da%a9%d8%b3-%da%a9%db%8c/ https://laaltain.pk/%d8%b4%da%a9%d8%b3%d8%aa-%da%a9%d8%b3-%da%a9%db%8c/#respond Tue, 11 Oct 2016 06:45:18 +0000 https://laaltain.pk/?p=18660 شہزاد نیر: عجیب منظر ھے
ایک شہہ رگ نےدھار خنجر کی کند کر دی ھے
ایک سر وہ جو اپنے تن سے جدا ھوا ھے
مرا نہیں ھے

The post شکست کس کی appeared first on Laaltain.

]]> [vc_row full_width=”” parallax=”” parallax_image=“”][vc_column width=“2/3”][vc_column_text]

شکست کس کی

[/vc_column_text][vc_column_text]

شاعر: شہزاد نیر

 

عجیب منظر ہے
دشت ِ کرب و بلا میں خیموں کی ایک بستی نے
کاخِ شاھی گرا دیا ہے
زمانہ دیکھےکہ بے ردائی نے
سچ کے نیزے سے جھوٹ کا پردہ نوچ ڈالا ہے
پیاس کے بے کراں سمندر سے
صبر کی ایک موج آ کر فرات سارا نگل گئی ہے

 

یہ کیسا منظر ھے
مشک بردار بازوؤں سے کسی نے تلوار کاٹ دی ھے
گلوئے اصغر نے نوک ِناوک کو مات دی ھے
عجیب منظر ھے
ایک شہہ رگ نےدھار خنجر کی کند کر دی ھے
ایک سر وہ جو اپنے تن سے جدا ھوا ھے
مرا نہیں ھے
مقابلے میں وہ کتنے سر تھے
جو زندہ بچنے پہ ناز کرتے تھے
اب شہیدوں کی زندگی سےشکست کھا کر مرے پڑے ھیں

 

لالٹین پر یہ سلسلہ ‘نظم نماء’ کے تعاون سے شروع کیا گیا ہے۔
نظم نماء اردو شاعری کے فروغ کے لیے کوشاں ایک آن لائن فورم ہے۔

[/vc_column_text][/vc_column][vc_column width=“1/3”][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

The post شکست کس کی appeared first on Laaltain.

]]> https://laaltain.pk/%d8%b4%da%a9%d8%b3%d8%aa-%da%a9%d8%b3-%da%a9%db%8c/feed/ 0 ہم خدا کا اگلا سوال سننا چاہتے ہیں https://laaltain.pk/%db%81%d9%85-%d8%ae%d8%af%d8%a7-%da%a9%d8%a7-%d8%a7%da%af%d9%84%d8%a7-%d8%b3%d9%88%d8%a7%d9%84-%d8%b3%d9%86%d9%86%d8%a7-%da%86%d8%a7%db%81%d8%aa%db%92-%db%81%db%8c%da%ba/ https://laaltain.pk/%db%81%d9%85-%d8%ae%d8%af%d8%a7-%da%a9%d8%a7-%d8%a7%da%af%d9%84%d8%a7-%d8%b3%d9%88%d8%a7%d9%84-%d8%b3%d9%86%d9%86%d8%a7-%da%86%d8%a7%db%81%d8%aa%db%92-%db%81%db%8c%da%ba/#respond Tue, 11 Oct 2016 05:37:24 +0000 https://laaltain.pk/?p=18657 سدرہ سحر عمران: جب آسمان سرخ بادلوں کے دل سے
ایک نہر نکالے گا
وہ آنسو پھر سے کربلائی نظموں کا حصہ بن جائیں گے
جنہیں دسویں رات کے کنارے
موت کی نیند سلا دیا گیا تھا

The post ہم خدا کا اگلا سوال سننا چاہتے ہیں appeared first on Laaltain.

]]> [vc_row full_width=”” parallax=”” parallax_image=“”][vc_column width=“2/3”][vc_column_text]

ہم خدا کا اگلا سوال سننا چاہتے ہیں

[/vc_column_text][vc_column_text]

نہیں ۔۔۔وہ شام ختم ہونے میں نہیں آئے گی
جس کی افتتاحی تقریب عزاخانو ں کی بھینٹ چڑھ گئی
نہ اس کی مٹی کا رنگت بدل سکتی ہے
ان زخموں کے سانولے پن سے
جو تلوار کے سائے میں اپنی شکلو ں کی وضاحت کرتے رہے
آخری دن کا سورج آنے میں
کوئی دو چار صدیاں باقی ہیں
یا۔۔۔۔ اندھیرے جیسے لباس کا خاتمہ ممکن نہیں؟؟

 

جب آسمان سرخ بادلوں کے دل سے
ایک نہر نکالے گا
وہ آنسو پھر سے کربلائی نظموں کا حصہ بن جائیں گے
جنہیں دسویں رات کے کنارے
موت کی نیند سلا دیا گیا تھا !!
(حساب گیارہویں سورج سے شروع ہو گا؟)

[/vc_column_text][/vc_column][vc_column width=“1/3”][vc_column_text]
[/vc_column_text][/vc_column][/vc_row][vc_row][vc_column][vc_column_text]

[/vc_column_text][/vc_column][/vc_row]

The post ہم خدا کا اگلا سوال سننا چاہتے ہیں appeared first on Laaltain.

]]> https://laaltain.pk/%db%81%d9%85-%d8%ae%d8%af%d8%a7-%da%a9%d8%a7-%d8%a7%da%af%d9%84%d8%a7-%d8%b3%d9%88%d8%a7%d9%84-%d8%b3%d9%86%d9%86%d8%a7-%da%86%d8%a7%db%81%d8%aa%db%92-%db%81%db%8c%da%ba/feed/ 0 عاشور: ایک تاریخ، ایک ورثہ https://laaltain.pk/%d8%b9%d8%a7%d8%b4%d9%88%d8%b1-%d8%a7%db%8c%da%a9-%d8%aa%d8%a7%d8%b1%db%8c%d8%ae%d8%8c-%d8%a7%db%8c%da%a9-%d9%88%d8%b1%d8%ab%db%81/ https://laaltain.pk/%d8%b9%d8%a7%d8%b4%d9%88%d8%b1-%d8%a7%db%8c%da%a9-%d8%aa%d8%a7%d8%b1%db%8c%d8%ae%d8%8c-%d8%a7%db%8c%da%a9-%d9%88%d8%b1%d8%ab%db%81/#comments Sat, 16 Nov 2013 07:39:39 +0000 https://laaltain.pk/?p=2984 ذکی نقوی کعبہ کی تولیّت پر بنو ہاشم اور بنو اُمیّہ کے باہمی جھگڑے سے لے کر واقعہ ء قرطاس کی بحث ہو یا حدیثِ ثقلین کی تشریح سے لے کر تنازعہ فدک کے شاخسانے ہوں، تاریخ ِ اسلام کے کسی بھی واقعے یا عنصر نے مذہب تشیّع کی شناخت کو متعیّن کرنے میں اہم […]

The post عاشور: ایک تاریخ، ایک ورثہ appeared first on Laaltain.

]]> ذکی نقوی10_Muharram

کعبہ کی تولیّت پر بنو ہاشم اور بنو اُمیّہ کے باہمی جھگڑے سے لے کر واقعہ ء قرطاس کی بحث ہو یا حدیثِ ثقلین کی تشریح سے لے کر تنازعہ فدک کے شاخسانے ہوں، تاریخ ِ اسلام کے کسی بھی واقعے یا عنصر نے مذہب تشیّع کی شناخت کو متعیّن کرنے میں اہم کردار ادا نہیں کیا جتنا واقعہء کربلا نے شیعیت کے الگ تشخص کی بنیاد کھڑی کرنے میں اپنا حصہ ڈالا۔

شہادتِ حسین کے بعد جب بنو ہاشم اور اُمیّہ کی خلافت کے حوالے سے نزع ختم ہو گئی تو خانوادہء رسول کا سیاسی شیرازہ بکھر گیا۔ عراق و ایران میں شیعہ مذہب کے پھیلنے سے واقعہ ء کربلا کی یاد کو ایک Rejuvenating ثقافتی انداز میں زندہ رہنے کے مواقع میسر آگئے۔ کربلا میں جس طرح لشکرِ یزید نے خانوادہء رسول کو بے وطنی کے عالم میں تہہِ تیغ کیا اس میں عرب شویلری کی روایات کی مَوت کا عکس‘ بھی جھلکتا تھا جس وجہ سے کربلا اُس دور کی جنگوں میں سے ایک المیّہ ترین جنگ ثابت ہوئی۔

جہاں دیگر سامی مذاہب میں گریہ کوعبادات کے ارکان میں سے ایک اہم رکن سمجھا جاتا رہا تھا ، وہاں اہلِ بابل کئی صدیاں قبلِ مسیح سے ہی اپنے دیوی دیوتاءوں کی فُرقت میں گریہ کرتے رہے تھے۔

جہاں دیگر سامی مذاہب میں گریہ کوعبادات کے ارکان میں سے ایک اہم رکن سمجھا جاتا رہا تھا ، وہاں اہلِ بابل کئی صدیاں قبلِ مسیح سے ہی اپنے دیوی دیوتاءوں کی فُرقت میں گریہ کرتے رہے تھے۔ مذہب تشیّع یہ روائیت بعد ازاسلام امام حُسین اور خانوادہء رسول کے گریہ کی صورت میں جاری رہی جس کا باقاعدہ سر چشمہ ایران و عراق کی سرزمین تھی۔ اور فطری امر یہ تھا کیونکہ اس سے قبل اسلام نے جزیرہ ء عرب میں بھی پہلے سے موجود کئی رسوم کو بہتر (Refine) کر کے اپنا حصّہ بنا لیا تھا۔

سوزِ طبع ہمیشہ ایک مذہبی شخصیت اور مسلمان مومن کیلئے ایک اچھا وصف سمجھا جاتا رہا ہے۔ اور شیعہ اسلام میں اس وصف کی آبیاری عزاداری کی صورت میں ہوتی رہی ہے۔صوفیائے کرام کی دھرتی، برِصغیر پاک و ہند میں عزاداری کی روایئت کو اسی وجہ سے بہت قبول عام ملا۔صدیوں کے مشترکہ تمدّن میں ہندو اور سکھ تک اس میں شریک ہونے لگے۔ خطے میں مذہب کے سیاسی استعمال کے زور پکڑنے سے قبل تمام مذاہب کے تہواروں میں تمام قومیتوں کے ہندوستانی شریک ہوا کرتے تھے کہ ان تہواروں کی ثقافتی شناخت بھی مسلم تھی۔

جہاں واقعہء کربلا ایک با عمل مسلمان کو نماز، جہاد، رضائے الہی اور تقوی کی منزلت کا پیغام دیتا ہے وہاں مسلمان اور بالخصوص شیعہ اسلام کو اس واقعے سے وابستگی نے ایک خاص مزاج بخشا ہے جس کا اظہار دورِ جدید کی سیاسی تحریکوں اور انقلابات کےتناظر میں واضح طور پر ہوتا ہے۔

جہاں واقعہء کربلا ایک با عمل مسلمان کو نماز، جہاد، رضائے الہی اور تقوی کی منزلت کا پیغام دیتا ہے وہاں مسلمان اور بالخصوص شیعہ اسلام کو اس واقعے سے وابستگی نے ایک خاص مزاج بخشا ہے جس کا اظہار دورِ جدید کی سیاسی تحریکوں اور انقلابات کےتناظر میں واضح طور پر ہوتا ہے۔ یزید کی بیعت سے انکار اور پھر ہجرت کی مثالوں میں امام حُسین کی شخصیت کا جو انقلابی اور مزاحمتی پہلو نکلتا ہے،اس نے ناصرف شیعہ مزاج پہ گہرا اثر ڈالا ہے بلکہ کربلا کو مزاحمتکا اور ظلم کے خلاف آوازہ ء حق بلند کرنے کی جراءت کا استعارہ بنا دیا ہے۔ کربلا جمہور کی خاطر جبر سے ٹکر لینے کا نام بن گیا ہے۔

دورِ حاضر میں جب سے مسلم مکاتیب فکر میں بنیاد پرستی کے زیرِ اثر ایک بار پھر مذہب کے ثقافتی رُخ پر شرک و بدعت کی مہریں لگا کر اسے مطعون کرنے کا سلسلہ شروع ہوا ہے، عزاداری کی روائیت کو ناصرف فرقہ واریت کی بھینٹ چڑھا کر اسے صرف تشیّع تک محدود کر دیا گیا ہے بلکہ اسے سیکیورٹی خطرات بھی ہمہیشہ سے بڑھ کر ہیں۔ ان حالات میں تشیّع مکتبِ فکر کے مزاحمتی کردار میں ایک شدّت کا آ جانا لازمی امر ہے کیونکہ یہی مزاحمت اس روایت کا سیاسی و فکری پہلو ہے۔

The post عاشور: ایک تاریخ، ایک ورثہ appeared first on Laaltain.

]]> https://laaltain.pk/%d8%b9%d8%a7%d8%b4%d9%88%d8%b1-%d8%a7%db%8c%da%a9-%d8%aa%d8%a7%d8%b1%db%8c%d8%ae%d8%8c-%d8%a7%db%8c%da%a9-%d9%88%d8%b1%d8%ab%db%81/feed/ 1