ڈی این اے کی خود سے لڑائی

علیشا ہجر تو تم ہو
علیشا ہجر کا ہجڑوں سے۔۔۔۔
جنم کنڈلی کا ناتا ہے
علیشا سب سے پہلے
جننے والی کوکھ نے تم کو جدائی دی
عقائد نے ترے سوتک سے پاتک تک کے بارے میں
صفائی دی
علیشا۔۔۔۔۔ پالنے آنگن اور چولھے نے
تمہیں خود سے رہائی دی
علیشا

پھولنے پھلنے میں
کسی کے دست شفقت پر
تمہارا حق نہیں ٹھہرا
سہیلی دوست اور ہم جولیوں سے کھیل پر پہرا
علیشا اس زمانے کا دیا ہر زخم تھا گہرا
علیشا ہجر تو تم ہو۔۔۔۔۔۔۔۔
علیشا ہجرکا ہجڑوں سے۔۔۔۔۔۔۔۔۔
جنم کنڈلی کا ناتا ہے