بس بہت جی لیے

میں بہت دور تھا
جب پکارا گیا
حاضری کے لئے
ڈاکٹر
ایک ٹھنڈا بدن
تیز بجلی کے جھٹکے
اب مگر
مجھ میں اس جسم کو گرم کرنے کی
کوئی بھی خواہش نہ تھی
زندگی کٹ گئی
ڈھونڈتے ڈھونڈتے وہ رجسٹر
کہ جس میں مرا نام موجود ہو
اور مری حاضری لگ سکے
پر کسی نے پکارا نہیں میرا نام
نہیں لوٹنا
اب مجھے اس زمیں پر نہیں لوٹنا
حاضری کے بغیر
اس زمیں سے مرا لوٹنا ہی یہ ثابت کرے گا
کہ میں اک فرشتہ تھا
اور اس جہاں میں غلط آ گیا تھا