ازل سے ابد تک کا سفر
مجھے اپنے اندر ہی طے کرنا ہے

بہت جلد
سارے خداؤں کے درمیان
ایک گھمسان کی جنگ چھڑے گی
بس وہی فیصلے کی گھڑی ہے
اور پھر ۔۔۔
نو آسمان تہہ بہ تہہ
ایک دوسرے میں ضم ہو جائیں گے
اور میں تم سے
بہت دور چلا جاؤں گا

مجھے تمہاری کمی
پہلے سے بھی زیادہ
محسوس ہو رہی ہے

یہاں آؤ ۔۔۔
بچھڑنے سے پہلے
میں ایک بار تمھیں
بہت قریب سے
دیکھنا چاہتا ہوں

The post کششِ ثقل (رضوان علی) appeared first on Laaltain.

سینہ، گردن، سر تو شاید
ایک آدھ زخم سہہ بھی جاتا
لیکن کمر سے جب یکلخت
گوشت کا بڑا سا ٹکڑا
کاٹ کر نکال دیا جائے
تو شکار وہیں ڈھیر ہو جاتا ہے

اور میں زمین پہ گرا بے بسی سے
اس جنگلی جانور کی طرف دیکھتا رہا
ارے، یہ تو میرا برسوں پرانا پالتو کتا ہے!!

The post حیرت کا شکار (رضوان علی) appeared first on Laaltain.

اس تنہائی کا کوئی سدِ باب ہے؟
کوئی ہمسفر، ہم نفس، ہم راز
ہے کہ نہیں ہے؟
کیا میں کسی اور سیارے پہ
کوئی پیغام بھیج سکتا ہوں؟
شاید وہاں کوئی ہو ۔۔۔۔۔۔۔۔۔۔۔
میرا ہمسفر، ہم نفس، ہم راز
میرا غمگداز، ہم دم، ہم زاد

مجھے لگتا ہے میَں
کسی غلط جگہ پیدا ہو گیا ہوں
اب ایسے میں میَں
کیا شیو کروں
کیا کپڑے بدلوں
نہاؤں بھی کیوں؟
زندہ ہی کیوں رہوں
کاش میں خلائی مخلوق ہوتا
تیرتا رہتا
اور کہیں نہ پہنچ پاتا
واپس لوٹ آتا
تنہائی کی گہرائی میں ۔۔۔۔۔۔

اے خدائے عزوجل!!
اس سیارے پر یا تو کسی کو بھیج
یا مجھے اپنے پاس بلا لے
یا مجھے وہ گُر بتا
کہ میں کسی کو جگا سکوں
کسی کو اپنا بنا سکوں
رُلا سکوں، ہنسا سکوں

The post تنہائی (رضوان علی) appeared first on Laaltain.

میں تھکنے سے پہلے مرنا نہیں چاہتا
لیکن مجھے مرنے سے پہلے تھکایا جا رہا ہے
کبھی اس طرف کھینچ کر، کبھی اُس طرف کھینچ کر
یہ اتنے سارے بونے آخر مجھ سے کیا چاہتے ہیں؟
Image: Garth Knight

The post زندگی کی کشمکش (رضوان علی) appeared first on Laaltain.

یہ مرا عکس ہے
جس کا ہر ایک خط
جاذب و دل بریں
“دلنشیں، دلنشیں
آفریں، آفریں”

ایسا ساحر ہوں میں
جو کہ مسحور ہے
خود پرستی کے ہاتھوں
جو مجبور ہے
میَں تحیرزدہ
منجمد، منجمد
خود میں سہما ہوا
منفرد، منفرد

میں کہ مبہوت ہوں
میں اپنی انا
اور اپنی ثناء
اور اپنی محبت کا
تابوت ہوں

The post نرگسیت appeared first on Laaltain.

جیسے مدھم سا، نرم سا احساس
جیسے جنگل میں مُشک کی خوشبو
Image: Vilhelm Bjerke Petersen

The post دھند appeared first on Laaltain.

The post عاصمہ جہانگیر کے نام appeared first on Laaltain.

میرا برتاؤ بھی سب سے بہت اچھا ہے
ملنسار بھی مشہور ہوں
جیلر نے کئی مرتبہ
اچھے رویے پر
مجھے شاباشی بھی دی ہے

میرا کام میں دل بھی بہت لگتا ہے
کبھی کبھی تو
مقررہ وقت گذرنے کے بعد بھی
کام میں جُتا رہتا ہوں
وقت پہ سو بھی جاتا ہوں
صبح سویرے آنکھ بھی کھل جاتی ہے

لیکن جب سے قید خانے میں
نیا جیلر آیا ہے
صفائی کا انتظام بہتر ہو گیا ہے
غذا بھی اچھی مل رہی ہے
کشادہ کھڑکی سے
سورج بھی دیکھ پاتا ہوں
ہوا بھی تازہ چل رہی ہے
دوا بھی وقت پہ مل رہی ہے

قید خانہ جب سے
کشادہ ہو گیا ہے
میری اس قید میں
کئی اور سالوں کا
اضافہ ہو گیا ہے ۔۔۔

The post عمر قید appeared first on Laaltain.

The post سوم رس appeared first on Laaltain.

تمھیں بھی بولنے کی اجازت نہیں ہونی چاہیئے
کیونکہ نہ تو تمھارے پَیر ہیں
اور نہ ہی پَر
تم تو پہلے ہی زندوں میں شمار نہیں ہوتے

تمھاری آنکھیں بھی بُجھا کے رکھ دینی چاہیئیں
بلاوجہ ٹُکر، ٹُکر نہ جانے کیا دیکھتی رہتی ہیں
نہ جانے کیا سوچتی رہتی ہیں؟
کسی آزادی کے خواب دیکھتی ہیں؟
یا اڑنے کے بارے میں سوچتی ہیں شاید؟

نا سمجھ!!
جس پرندے کے پَیر نہیں ہوتے
اُسے اڑنے کی اجازت بھی نہیں دی جا سکتی

The post بغیر پَیر کا پرندہ appeared first on Laaltain.