مصباح کی بدقسمتی کہیے یا پاکستان کی کہ انہیں کپتانی سنبھالنے کے بعد ساتھی کھلاڑیوں اور انتظامیہ سے وہ تعاون اور حمایت نہ ملی جو کسی بھی کپتان کو مضبوط کرنے کے لئے ضروری ہوتی ہے ۔اس پر مستزاد یہ کہ امن و امان کی مخدوش صورت حال کے باعث وہ اپنے ملک میں ایک بھی میچ کی قیادت نہ کرسکے،دنیا کا شاید ہی کوئی کپتان ہو جو اپنے ملک میں کپتانی سے محروم رہا ہو۔ ٹیم میں دھڑے بندی ، کپتانی کے خواہش مند دیگر بزرگ کھلاڑی ، سلیکٹرز اور انتظامیہ کی بے رُخی بھی مصباح کی راہ میں مشکلات کی دیواریں کھڑی کرتی رہی۔مصباح نےہمیشہ مشکل حالات میں ٹیم کی ڈوبتی نیا کو کنارے پر لگایااسی لیے انہیں مردبحران بھی کہاگیا۔ تمام کپتانوں کی طرح ان میں بھی چند خامیاں تھیں، مصباح بوجوہ جرات مندانہ فیصلے نہ کرسکے۔اگر دلیری اور خطرہ مول لینےکی صلاحیت ہمارے کپتان جی میں ہوتی تو کرکٹ کی تاریخ میں انہیں کچھ اور الفاظ میں یاد کیا جاتا۔ٹیم میں تبدیلی سے ڈرنا بھی مصباح کی کمزوریوں میں سے ایک کمزوری تھی ۔
کم زوریوں اور بحرانوں میں گھرے رہنے کے باوجود مصباح کی انفرادی کارکردگی مثالی رہی ہے۔ مصباح نے ایک سو باسٹھ ایک روزہ میچوں میں43.40 کی اوسط سے 5122 رنز بنائے۔ہمیشہ مشکل وقت میں میدان میں اترنےوالےمصباح الحق کوشش کے باوجود ایک روزہ کرکٹ میں سنچری بنانے میں کامیاب نہیں ہوسکے ۔ کپتان کا زیادہ سے زیادہ سکور چھیانوےناٹ آؤٹ ویسٹ انڈیزکے خلاف سکور تھا۔

مصباح ٹیسٹ کرکٹ میں پاکستان کے کامیاب ترین کپتان بھی ہیں ان کی سربراہی میں ٹیم 15 ٹیسٹ سیریز میں سے صرف تین ہاری ہے۔متحدہ عرب امارات جہاں اب پاکستانی ٹیم کھیلتی ہے، وہاں مصباح کی قیادت میں پاکستان سات سیریز جیت چکا ہے اور آسٹریلیا اور انگلینڈ کو وائٹ واش کر چکا ہے۔ہونا تو ایسا چاہیے تھاکہ ان حالات میں کامیابیاں حاصل کرنے اور 50 کے قریب اوسط سے ٹیسٹ میچوں میں رنز بنانے والے مصباح کو پاکستان میں پذیرائی ملتی لیکن ایسا نہیں ہوسکا ان کی ایک روزہ کرکٹ کی وجہ سے پاکستان میں لوگوں کی رائے منقسم رہی ہے۔
سابق ٹیسٹ کرکٹر شعیب اختر، محمد یوسف اورسکندر بخت اپنے کرکٹ تجزیوں کے دوران مصباح کو بزدل اور خود غرض کپتان کہتے رہے ہیں تاہم ان میں سے زیادہ تر کے اعتراضات ذاتی پرخاش اور کسی حد تک بغض کی وجہ سے ہیں۔ کوئی ان سے پوچھے کہ ان کے اپنے کیرئیر میں کتنے مقابلے جیتے گئے اور کتنے عالمی کپ ان کی قیادت پاکستان ہارا۔ عمران خان، وسیم اکرم اور رمیض راجہ اگر تنقید کریں تو سمجھ آتی ہے لیکن خود ساختہ کرکٹ پنڈت جو کبھی پاکستان کے لیے کوئی بڑا مقابلہ نہ جیت پائے اور نہ ہی مصباح کی طرح مسلسل ذمہ دارانہ انداز میں کھیل سکے ان کی جانب سے بے جاتنقید کا کوئی جواز نہیں، مثبت تنقید ضروری ہے لیکن ذاتیات کو بیچ میں لے آنا سمجھ سے بالاتر ہے۔

سابق کھلاڑیوں کے علاوہ صحافیوں کی توپیں بھی مصباح پر گولے برساتی رہیں۔ پاکستانی صحافیوں کو ہر وقت کسی ایک ایسے شخص کی ضرورت ہوتی ہے جسے وہ برا کہہ سکیں اور جس کی وہ تذلیل کر سکیں اور مصباح ہمیشہ ان کے لیے آسان ہدف رہے۔ملکی ذرائع ابلاغ نے مصباح کو کبھی وہ عزت نہیں دی جس کے وہ مستحق تھے تا ہم غیر ملکی میڈیا قومی کپتان کے گن گاتا رہا۔ دنیا کے نامور سپورٹس چینل سکائی سپورٹس نے مصباح الحق کے بارے میں لکھا کہ جن مشکل حا لات میں انہوں نے پاکستانی ٹیم کی قیادت سنبھالی وہ قابل تعریف ہے۔ اگر میچ فکسنگ کی وجہ سے کسی اور ملک میں کسی کھلاڑی کو کپتانی کی پیشکش کی جاتی تو وہ یہ عہدہ قبول کرنے سے پہلے ہزار بار سوچتالیکن مصباح نے اس چیلنج کو نا صرف قبول کیا بلکہ پاکستان کی تاریخ کے کامیاب ترین ٹیسٹ کپتان بھی بنے۔ سکائی سپورٹس نے لکھا کہ مصباح نہ صرف اپنی کپتانی سے پاکستان ٹیم کے لیے معیار طے کیا بلکہ مشکل وقت میں انفرادی کارکردگی سے آنے والے کپتانوں کے لیے مثال قائم کی۔ مصباح نے ہمیشہ ایک کم زور ٹیم کے ساتھ مضبوط ٹیموں کو ہرایا بلکہ ہر موقع پر خراب کارکردگی کے بعد ٹیم کو سنبھالا دیا۔ ورلڈ کپ 2015 میں سعید اجمل، محمد حفیظ اورجنید کی عدم موجودگی میں پہلے دو میچوں کی شکست کے بعد کھیل میں واپسی مصباح کی قیادت کی ہی بدولت ممکن تھی۔ ایک کم زور اور نا تجربہ کار ٹیم کے ساتھ ساوتھ افریقہ کو شکست دینا یقیناً ایک کارنامہ ہے۔
آسٹریلیا کے خلاف صہیب مقصود اور حارث سہیل کے سلی پوائنٹ پر کھڑا ہونے سے انکار کے بعد خود ہیلمٹ پہن کر کھڑے ہو نے والے مصباح نے تمام عمر اپنی کارکردگی کو مثال بنا کر ٹیم کو پیروی کرنے پر مجبور کیا۔ ورلڈ کپ 2015میں پاکستان کے کامیاب ترین بلے باز بھی سات میچوں میں تین سو پچاس رنز بنانے والے مصباح الحق ہی ہیں۔ سیلفی ماسٹر احمد شہزاد، عمر اکمل، صہیب مقصود اور خود ساختہ ہیرو شاہد آفریدی سمیت کسی کھلاڑی نے مصباح کی طرح ذمہ داری سے کھیلنے کی کوشش نہیں کی۔ کاش کوئی یہ محسوس کر پاتا کہ جب بیس رنز پر چار پاکستانی بلے باز واپس لوٹ جاتے ہیں تو تب ایک ہی بلے باز پوری ٹیم کو سنبھالا دیتا ہے ، شاید کبھی ہم اس بات کا اعتراف کرسکیں جب پاکستانی کرکٹ کا سورج غروب ہو رہا تھا، جب میچ فکسرز نے ملک کا نام بدنام کیا تب ایک ہی فرد نے ذمہ داری لی اور خوب نبھائی۔ ہم شاید بحران کے دوران بلے بازی کے لیے آنے والےاور ایک کم زور ٹیم کے ساتھ میدان میں اترنے والے مصباح الحق کے جذبات اور ذہنی حالت کا اندازہ کبھی نہیں کر پائیں گے۔ شاید کسی نے سچ کہا تھا دنیا کا مشکل ترین کام مصباح الحق ہونا ہے۔مستقبل میں جب بیس پر چار اور پوری ٹیم ایک سو بیس پر آؤٹ ہو ا کرے گی گی تویقیناً مرد بحران مصباح کا نام ہم سب کے ذہنوں میں ابھرے گا جو اگرمیچ جتا نہیں پاتا تھا تو پاکستان کی لاج ضرور رکھتا تھا۔

لیکن سیاست دانوں کا معاملہ جرنیلوں سے الگ ہے،جو غلطی محترمہ بے نظیر بھٹو نے کی اس کا ازالہ کوئی اور نہیں صرف آصف علی زرداری ہی کر سکتے تھے تو انہوں نے دو ہزار آٹھ میں نائن زیرو حا ضری دے کر ماضی کو دفن کردیا۔ آپ وزیر اعظم پاکستان کی طبیعت سے(بہت اچھی طرح) واقف ہوں گے وہ جب بھی آتے ہیں ادھر ادھر افراتفری مچاتے رہتے ہیں اور ہر بار کراچی میں “دہشت گردی” کے خاتمے کے لیے خاکی وردی والوں کو بھیجتے ہیں اس کے باوجود سینیٹ الیکشن میں حمایت کے لیے الطاف بھائی سے رابطے کرتے رہے۔لیکن جرنیل ایک ہی غلطی باربار دہرانے کے عادی ہیں، پہلے ضیاء صاحب نے الطاف بھائی کی نیا پار لگائی اور پھر مشرف صاحب نے ان سے دل لگی کی۔ بارہ مئی کے دل دہلا دینے والا واقعے کی تفصیلات بھی آپ کی نظروں سے گزری ہوں گی جب وکیلوں کو کراچی میں زندہ جلایا جا رہا تھا تو تب جنرل مشرف ا سلام آباد میں مکے لہرا کر عوامی طاقت کا مظا ہرہ کر رہے تھے۔
آپ صرف پاکستان کے نہیں بلکہ امت مسلمہ کے بھی سپہ سالار ہیں اس حساب سے جناب کی ذمہ داریاں بھی بڑی ہیں۔ جنرل ضیا کی خود ساختہ مذہبی سوچ نے ملک میں ایسی فضا قائم کی کہ اس پاکیزگی میں وطن عزیز کو اسلام کی” اصل روح “تو نہ مل سکی لیکن لشکر طیبہ، لشکر جھنگوی، جیش محمد جیسے چھوٹے چھوٹے تحفے قوم کو جبری وصول کرنا پڑے۔ پنتیس سال گز رنے کے باوجود قوم ان تحفوں کا بدلہ اپنی جانوں کا نذرانہ پیش کر کے بھی نہیں دے سکی۔ جہادیوں کی جو پنیری جنرل ضیا کے دور میں پروان چڑھی وہ اب تن آور درخت بن چکی ہے ۔اُس دور میں پلنے والے سانپوں نے اب اپنے ہی بچوں کو ڈسنا شروع کر دیا ہے۔
فوج کی وطن کے لیے قربا نیوں کا ہر کوئی معترف ہے اورفوج کی حب الوطنی پر کسی دیوانے کو ہی شک ہو سکتا ہے لیکن زندگی میں اگر آپ کوموقع ملے تو جن لوگوں نے ناسور دشمنوں کے لیے سازگار ماحول پیدا کیا ان کے ذہنوں پر بھی ایک چھاپے کا حکم صادر فرما دیں۔ جناب اعلی جو کچھ پاک فوج کے ادواراقتدار میں وطن کے ساتھ ہوا اس کے بعد تو ایم کیو ایم کی کاروائیاں معمولی لگتی ہیں۔اگر آپ نے دہشت گردی کے ناسور کو ختم کرنے کا فیصلہ کر لیا ہے تو انسانوں کو مارنے ، پکڑنےسے کچھ نہیں ہو گا۔ ملک کو امن کا گہوارہ بنا نا ہے تو اس سوچ اور نظریے کو بدلنا پڑے گاجو عسکریت پسندی اور دہشت گردی کی وجہ ہیں۔ انسانوں کی پھانسی چڑھانے سے کوئی فرق نہیں پڑے گا، جناب نظریے کو جڑ سے ختم کرنے کی کوشش کیجیے ۔

ریٹائرمنٹ سے قبل انیس سو سنتالیس سے لے کر آج تک فوج نے جو کو تاہیاں کی ہیں ان کی جانچ کے لئے بھی ایک آزاد اور مشترکہ تحقیقاتی کمیٹی بنا دیں۔ فوج بجٹ کا تیس فیصد ملک کے دفاع کے لیے عوام سے وصول کرتی ہے اس کا احتساب بھی توضروری ہے، کیا ہی اچھا ہو کہ آپ خود اس احتساب کا آغاز اپنی ذات سے کریں۔جناب عام عوام کی طرح میں بھی سیاست دانوں، وکیلوں اور ججوں سے سخت مایوس ہو چکا ہوں۔ افتخار چوہدری صاحب، عمران خان صاحب اور نواز شریف صاحب؛ جس کسی کو بھی ہم نے موقع دیا ہے اس نے ہمیں مایوس کیا ہے۔ ان سب کے لیے ہم نے ڈنڈے کھائے، جیلیں بھگتائیں، دھرنے دیے لیکن ہمارے ہاتھ کچھ نہیں آیا ۔ سنا ہے سب فیصلے آپ کے ہاں ہوتے ہیں اور سب کرداروں کی ڈوریاں آپ ہلاتے ہیں تو کر دیجے وہ کام جو کوئی بھی جرنیل نہ کر سکا۔
نوٹ: میری حب الوطنی پر شک نہ کیا جائے،میرے والد اور آباؤ اجداد کی قبریں اسی ملک میں ہیں۔ میں اتنا ہی محب وطن ہوں جتنا شبیر شریف شہید تھے۔

فقط
ایک عام شہری
محمد نوید عالم