خودکشی حرام نہیں
بلکہ موت کو پالنے پوسنے والوں کا
اس پر مکمل ایمان ہے
جسم کے کچرہ گھروں میں
سڑتی ہوئی خواہشوں کی لاشیں
ہڈیاں اگلتا ہوا متعفن گوشت
بھبھکے چھوڑتی ہوئی حرارت
ٹوپیوں میں دفنائی ہوئی عقل
داڑھیوں سے جھانکتی ہوئی ستر
گھگھیاتی ہوئی جوان لڑکیوں کا خوف
بسورتے ہوئے بچوں کا نکلتا ہوا پیشاب
توند جھلاتی پاکباز عورتوں کی کسی ہوئی چھاتیاں
شرمگاہوں پر لٹکے ہوئے بڑے بڑے تالے
اور ان کی نقلی چابیاں تیار کرنے والے مولوی
تاریخ کے بیوپاری اور مردوں کے پجاری
چلے کاٹتی ہوئی سفید پوش لاشیں
موت کی تیاری کے آہنی انجکشن لیے ہوئے
پھٹی ہوئی آستینیں
خون آلود تہوار
شہید ہوجانے کی جلد بازی اور
مایوسی پر کفر کی ایک مضحکہ خیز مہر
خودکشی حرام نہیں
بلکہ ایمان کی پہلی شرط ہے
Image: Safa Al-Rubaye