Laaltain

کولاج

30 اگست، 2016

[vc_row full_width=”” parallax=”” parallax_image=””][vc_column width=”2/3″][vc_column_text]

کولاج

[/vc_column_text][vc_column_text]

(سرگودھا یونیورسٹی کے سٹوڈنٹس کے لیےایک نثری نظم)

 

سرگودھا یونیورسٹی میں گزرے ٧٩٠ دنوں کی طرح
چائے کی پیالی سے میری نظم شروع ہوتی ہے
احمد حسن اپنی محبوبہ کے ساتھ کینٹین سے گزرتا ہے اور ادریس بابر کے شعر سناتا ہوا بائیک پر روانہ ہو جاتا ہے

 

ندیم کوٹ مومن کے سپیرئر کالج میں رائیگانی کی نظم لکھ
کر مجھے میسج کرتا ہے جو مجھ تک نہیں پہنچ پاتی
کنول رت جگوں سے ڈسے گهرے حلقوں کے ساتھ اپنے ندیم کی شبیہہ میرے کانوں پہ ثبت کرتی ہے اور اداسی کی دھند میں غائب ہو جاتی ہے
غضنفر رانجھا آبائی گاؤں سے کچھ نئی پرانی کہانیاں لاتا ہے اور کھو جاتا ہے
غلام محی الدین کا دایاں بازو کاٹ دیا گیا ہے اور وه صرف” بائیں بازو” سے لفظوں کے “تیر” چلاتا ہے

 

شناور خان نے مقابلے میں پڑھنے کے لیے ایک نظم لکھی ہے جو اس کی زندگی کی طرح ابھی ادھوری ہے
حارث بلال کی چمکتی ہوئی آنکھیں کیمسٹری کی تجربہ گاه میں بھیج دی گئیں ہیں جہاں ان سے ما بعد جدید غزلیں تیار کی جائیں گی
ازور شیرازی نے خوابوں کی ایک پینٹنگ تیار کی ہے جسے ہم نصابی فورم کے نوٹس بورڈ پر چسپاں کرنے سے انکار کر دیا گیا ہے
ابوبکر حسب معمول شام کا پروگرام پوچھتا ہے اور شام سے پہلے کی گاڑی سے جھنگ روانہ ہو جاتا ہے
خالق داد دو سالوں میں بارہواں فلیٹ تبدیل کرنے کی اطلاع مجھے میرے ہی دربدری کے شعر سنا کر دیتا ہے اور ایک ٹھنڈی آه بھرتا ہے

 

میرا اولین مقالہ نگار فیصل گلزار ساحر لدھیانوی اور جون میں اذیت پسندی تلاش کرتا ہے اور میرا جی کو بھول جاتا ہے

 

یاسر خان شطرنج کی بساط میرے سامنے رکھتا ہے جسے میں زندگی سمجھ کر ہار جاتا ہوں

 

موبائل کی گھنٹی بجتی ہے اور میں ایک سو چھپن ویں دفعہ ماں کو بتاتا ہوں کہ میری تنخواه نہیں بڑھ سکی
“سر جی، سر جی! شام ہو گئی کرسی چک لییے؟”
اور میں ہر دن کی طرح ١٠٠ روپے ادھار چھوڑ کر اپنے کمرے کے قبرستان میں دفن ہو جاتا ہوں

[/vc_column_text][/vc_column][vc_column width=”1/3″][vc_column_text]
[/vc_column_text][/vc_column][/vc_row][vc_row][vc_column][vc_column_text]

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *