وندنا (التماس-مناجات)-روی شنکر

موزارت کے سوناتا، ویگنر کے اوپیرا اور روی شنکر کی دھنوں پر مبنی ستیہ پال آنند کی
نظموں کا یہ سلسلہ سات نظموں پر مبنی ہے اور اردو میں اپنی نوعیت کا واحد کام ہے۔ صوتی محاکات سے استوار ایک گیت ہے۔

تِن مِن، تِن مِن، تِن مِن
سیِس جھکاؤں
وِنتی کروں میں، عرض گذاروں
بال مرے، ہاں،بال مرے، ہاں بال مرے، جی
مُکھ کے دونوں سمت ہیں بکھرے
میں جوگنیا
بِرہ کی ماری، میں جوگنیا
سیس جھکاؤں
پلکیں جھپک جھپک کر اپنے اشرُو روکوں
تِن مِن، تِن مِن، تِن مِن
پھر بھی ٹپکے جائیں اشرُو
قابو میں کب آئیں اشرُو
نین ندی میں باڑھ اٹھی ہے
چھلک چھلک چھن
باڑھ کے آگے باندھ نہیں ہے
تِن مِن، تِن مِن، تِن مِن, تن مِن
بہتے جائیں، بہتے جائیں
آپ کے چرنوں کو، سانوریا
دھوتے جائیں، دھوتے جائیں
یہ برکھا رُت تواب میرے
جیون کی ست سنگ سکھی ہے
….. برہ کی ماری میں جوگنیا! ھائے

تا تنن، تا تنن، تا تنن، تاتنن
پگ اٹھاؤں اگر
دھیرے سے بھی، سکھی
سات گھنگھرو بجیں
تا تنن, تا تنن
۔۔۔۔ سات گھنگھرو بجیں
میرے پی کے لیے
میرے پی کے لیے، میرے پی کے لیے
تا تنن، تا تنن، تا تنن، تا تنن
میری جِوہا بھی تالو میں خاموش ہے
میرے مکھ پر ہیں بکھرے ہوئے بال سب
میرے آنسو بھی بہہ بہہ کے اب تھک گئے
تا تنن، تا تنن، تا تنن، تا تنن
اب تو پاؤں مرے (ہاں جی، پاؤں مرے)
گھنگھرؤں کی زباں بولتے ہیں سدا
چھا چھنن چھا چھنن میں پروئی ہوئی
ان کی بولی ہے رس میں سموئی ہوئی
تا تنن، تا تنن، تا تنن، تا تنن

تِن مِن، تِن مِن، تِن مِن، تِن مِن
سانوریا تو روٹھ گئے ہیں، بولت ناہیں
روٹھ گئے ہیں سانوریا تو، بولت ناہیں
کس سوُں پوچھوں؟ کیا منتر ہے
پیا منانے کا کیا گیت ہے، او ری سکھیو
رُدن کروں میں، چھم چھم روؤں
من کے تار پہ ُردن کروں میں
سکھیَن تو سب ہنست کھیلت ہیں
بھاگوں پھوٹی مَیں برہن اب
کس سے حال کہوں میَں اپنا
گھُمر گھیر جمنا کی لہروں کی گودی میں
سو جاؤں
اور دکھ سے ونچِت ہو جاؤں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وِنتی: عرض۔ بینتی
بِرہ: ہجر
اشرو: آنسو
پی: پریمی
جِو ہا۔ (ج ِ و ہ ا)۔ جیبھ۔ زبان
رُدن: آہ و زاری
سکھیَن: سکھیاں، سہیلیاں
وَنچِت ہونا: چھٹکارہ پانا