عشرہ // میں نے ایک کتاب لکھی

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

شعر، کشٹ، اور ظیفے ملا کر
فلسفے اور لطیفے ملا کر
اگلے پچھلے صحیفے ملا کر

خودی / بے خودی کے موڑ پر
شعور/ لاشعور کے چوک میں
زندگی / موت کے ناکے پہ

میں نے لکھا کہ تحقیق، بر حق ہے جو میں نے لکھا
اور منسوخ ہیں اگلے پچھلے۔۔۔

اور اگرکوئی ایسا کہے جیسا میں کہہ رہا ہوں
تو اسے قتل کر دینا ہو گا