عشرہ // بلاعنوان

عشرہ — دس لائنوں پر مبنی شاعری کا نام ہے جس کے لیے کسی مخصوص صنف یا ہئیت، فارم یا رِدھم کی قید نہیں. ایک عشرہ غزلیہ بھی ہو سکتا ہے نظمیہ بھی۔ قصیدہ ہو کہ ہجو، واسوخت ہو یا شہرآشوب ہو، بھلا اس سے کیا فرق پڑتا ہے۔ ادریس بابر

سڑک پر جلوس موت کی اوپن دھمکی ہے
بند گلی میں بدلے کے نعرے گونج رہے ہیں
دروازے کے پیر میں گولی ماری گئی ہے

گالیاں آنگن کی دیوار پھلانگ آئی ہیں
دھمکی کے پتھر سے آئینہ گھائل ہے
فتوے کے فائر سے فاختہ قائل ہے

ابراہیم اور عیسے، موسے اور محمد
آپس میں لڑتے ہوئے مل کر میری ت-لاش کو نکلے ہیں
آنکھوں کے نمکیں پانی سے پوریں تر کر کے
دیواروں پر لکھتا ہوں، لکھتا جاتا ہوں