عوامی ورکرز پارٹی اور پروگریسو یوتھ فرنٹ کے کارکنان نے گلگت بلتستان کے زیرحراست سیاسی رہنما بابا جان اور ان کے ساتھیوں کی رہائی کے لیے احتجاجی ریلی کا اہتمام کیا۔ ریلی ہنزہ میں نکالی گئی۔ شرکاء نے دو عمر قید کی سزا بھگتنے والے باباجان کی رہائی کا مطالبہ کیا جنہیں انسداد دہشت گردی کے قوانین کے تحت سزا سنائی گئی ہے۔ مقامی آبادی نے انسداد دہشت گردی کے قوانین کے سیاسی رہنماوں اور سماجی کارکنوں کے خلاف استعمال کو ریاستی جبر سے تعبیر کیا۔ باباجان عطاآباد جھیل کے متاثرین کے حق میں مظاہروں کا اہتمام کرتے رہے ہیں جنہیں ایک مظاہرے میں پولیس کی جانب سے مظاہروں کو بزور طاقت کچلنے کی کارروائی کے دوران دو افراد کی ہلاکت کے بعد گرفتار کیاگیا تھا۔