تین نظمیں تین خاکے

ادارتی نوٹ:فہیم عباس بصری اور تحریری فنون میں صنف اور روایت کے قائل نہیں۔ ذیل میں ان کے تین خاکے اور تین نثری نظمیں شیئر کی جارہی ہیں اگرچہ یہ نثری نظمیں اور خاکے روایتی تکنیکی سانچوں اور ساختیات پر مکمل طور پر پورے نہیں اترتے تاہم انہیں اظہار کے نئے پیرائے تلاش کرنے کی ایک کوشش کے طور پر لیا جا سکتا ہے۔

بھوک سے بے حال انگلیاں کی بورڈ پر ناچ رہی ہیں
آنکھوں کی رگیں لال ہو کہ جم گئی ہیں
سکرین کی تھرکتی روشنی
ذہن پہ سائے نچا رہی ہے
بدن میں چیونٹیاں اچھل رہی ہیں
اک پیاس ہے جو بجھتی نہیں

گلیوں میں ہر دکان پہ اک ننگا بدن لٹکا ہواہے
بھوکا،تڑپتا بدن
سڑکوں پہ ، فٹ پاتھ پہ،ہر تاریک ختم ہوتی تنگ گلی کے اختتام پہ
ہرجگہ اک ننگا بدن رکھا ہے
میں بھی ا ک بدن ہوں
ننگا۔۔بھوکا۔۔۔

ان سڑکوں،ان تاریک گلیوں میں میں وحشت زدہ ننگے پا وں پھرتا ہوں
آنکھیں
روشنی کو ننگا دیکھتی ہیں
پا وں گھسٹتا ہے
ہاتھ مسلتا ہے
جھٹکتا ہے
بھوک مٹتی ہے اور مٹ کے بھی نہیں مٹتی

اک نحیف سفید سا گھوڑا
سڑک کنارے سرجھکائے چلتا ہے
پاس ہی دکان پہ کوئی کباب لائے
اپنے محبوب کی یاد میں گنگناتا ہے
گھوڑا نظر اٹھا کہ اس کی طرف دیکھتا ہے
سر جھٹک کے تھکے قدموں سے چلتا ہے
شہر کی روشن اندھیری سڑکیں کشادگی کی حد تک تنگ ہیں
سفید دھبہ سیاہی سے مٹ جاتا ہے