Laaltain

اچانک مر جانے والے لوگ

7 جون، 2017
اچانک مر جانے والے لوگ
موت ایک اہم کام ہے
اسے یکسو ہو کر کرنا چاہیئے
یا سارے کام نمٹا کر

کسی کاروباری سودے سے پہلے
انتخابی مہم کے دوران
اور نظم کے وسط میں
موت نہیں آنی چاہیئے

موت سے پہلے
ارادے پورے کر لینے چاہیئں
انہیں دریا میں پھینک دینا چاہیئے
یا انہیں وصیت میں لکھ دینا چاہیئے

ایسا کرنے والے
اداس ہو کر مرتے ہیں
اور ان کی موت
اتنی افسوس ناک نہیں ہوتی
جتنی ان کی
جو موت سے پہلے اپنے کام نہیں نمٹاتے
اور حیران ہو کر مرجاتے ہیں

Image: Gabriel Isak

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *