امیزون

امیزون سے کچھ بھی آرڈر کر سکتے ہیں
دفتر کا کاغذ ہو یا پھر، کرسی، میز، کتابیں، پنسل
اشیا جلدی منگوانی ہوں تو پیسے زیادہ لگتے ہیں
اور دو گھنٹے کے اندر اندر سب چیزیں دروازے پر رکھی ملتی ہیں
کپڑے، جوتے، آتش دان تو ایک طرف
ڈرون بھی اب سستے داموں میں مل جاتے ہیں
پانی پلانے والے روبوٹ آ گئے ہیں بازاروں میں
لاکھ کھلونے بچوں کو بہلانے کے
ایمیزون نے دھوم مچا دی ہے دنیا میں

میں نے اک دن اتنا پوچھا
کیا مصنوعی ٹانگیں، بازو بھی ملتے ہیں؟
دل، گردے اور آنکھیں بھی
تھوڑے زیادہ پیسے دے کر
مل جاتی ہیں دو گھنٹے میں؟”

ایمیزون نے یہ کہلایا
” باقی شہری بھی یہ باتیں پوچھ رہے ہیں
اگلے کچھ ہی سالوں میں ہم شاید ایسا کر پائیں گے
آس کی رسی تھامے رکھیں
آج کا آرڈر جلدی دے دیں”